Ka thaiñ Jorabat kaba hap lang ruh hapoh u pud ka jylla Meghalaya, ka la nang iai mad ia ka jingshlei um kaba ju jia khah khah tang lada jia ba hap slap ba neh tang da ki katto katne por, kane ka jingjia ka la jia biang hynne ka nohphai sngi hadien ka jinghap slap kaba la neh tang shiteng kynta.
Kumba la ioh jingtip, kane ka jingshlei kaba la pynsyrtok ia ka leit ka wan ki paidbah kiba iaid ba ieng bad kito kiba leit jingleit da ki kali rit, ki nongshong dukan ha kaba ka um kaba la shlei ka la tap lut ia u surok bah National Highway bad kiew ruh sha ki dukan kiba don harud u surok bah. Lah ban kdew, ba kane ka thaiñ Jorabat kaba hap ruh ha khappud jong ka jylla Meghalaya bad Assam ka ju mad ia kane ka jingshlei um kiba shyrkhei bad ba ju jia khah khah ha ki por slap tang namar ka jingdap ki jaboh jabain ha ki nala um kiba don harud u tei u surok bah ha ka liang jong ka Assam.
Watla, na ka liang ki bor ka tnad PWD na Assam ki la iai pyrshang ban pynkhuid ia ki nala ban weng ia ka jingshlei um hynrei ki paidbah ki iai mad ia ki jingeh na ka jingshlei um, kumta ki paidbah ki la pynpaw ia ka jingkyrmen ba ia kane ka jingeh yn lah ban weng noh mardor da ka jingshimkhia ki bor ka sorkar Assam.
You may also like
-
Lehkmen Khristmas Bah PT Sawkmie bad ki driver Auto Mawlai
-
Tur ka Congress sha ophis BJP ba pynkylla kyrteng ïa ka skhim bylla 100 sngi
-
200 kilo ka kaiphot Expert Committee Ka sorkar ka dang bishar bad shen kan pyllait paidbah: Conrad
-
Shah khang lynti ka HITO bad JNC ha ki briew ba kah durkhmat
-
Pynbna u Bah Prestone ban shna surok sha Mawkhap-Nongjri Wahskong