Ka United Democratic Party (UDP) kan sa shong bishar ia ka shithi iehnoh kam u General Secretary ka UDP u Bah Jemino Mawthoh. Ia kane la pyntip da u president ka Party u Bah Metbah Lyngdoh bad ula iathuh ba shen ka UDP kan sa lum jingialang halor kane. Haba kren sha ki lad pathai khubor, u Bah Metbah ula kubur ba la ioh pdiang ia ka shithi iehnoh kam jong u Bah Jemino Mawthoh.
U Bah Metbah ula pynpaw ba haduh mynta ym pat lah ban pdiang ïa ka shithi iehnoh namar dang donkam ban iathir ha ka jingialang jong ka Party ha ka jingdonlang baroh ki nongkitkam. “Hoid nga la ioh pdiang iaka shithi iehnoh kam jong u Bah Jemino bad ha ka shithi u Bah Jemino u ai tang ka daw shimet ba u mih na ka Party bad ïa kane ka shithi yn dang ïakren ha ka jingïalang ka ban sa long” la ong u Bah Metbah.
U Bah Metbah u la ong ba ka shithi ba la ai da u Bah Jemino ym lah ban pdiang tang da u President marwei, hynrei yn sa ïakren sani bha hapoh ka jingïalang jong ka Party. Haba kylli, u president ka UDP u la kyntait ba kan dei ka jingduh kaba khraw iaka Party bad u la ong baka Party ka don ka jingïatreilang bad ka jingieh u Bah Jemino ïa ka UDP ka dei ka jingduh ïa u paralok.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone