Hadien ka jingiakop rwai kaba nyngkong ha ki ktien Hynniewtrep bapher bapher kaba la jop da ka kynhun ‘SUHSIENG’, kaba la rwai ia ka jingrwai “Hynniewtrep ieng tylli kawei” ha ki ktien Sohra, Pnar, War, Maram, Mawsynram, Bhoi bad Lyngngam, ka Maitshaphrang sa shisien kan pynlong biang ia kane ka jingiakop rwai kaba ar.
Ki nongiashim bynta ki dei ban thaw ia ka jingrwai ka ban kynthup ia ki ktien bapher bapher jong ka jaid bynriew Hynniewtrep kaban pynkhlain ia ka jingiatylli jong ka jaidbynriew. Ka khusnam ia ki nongjop kan long 50,000 tyngka bad kin pyrshang ban pynkiew ia kane ka khusnam da ki sponsor kiba ngin ialeh ban pynioh.
Ia ki jingrwai sngewbha ban pynpoi ha lane shuwa ka 30 tarik u Nailur 2025. Kum ban shu pyntip, ka jingrwai jong ka kynhun ‘SUHSIENG’ la buh ha Youtube bad lah ruh ban iohsngew ha ka Red FM 93.5 bad ki kyrmen ba shen kin iohsngew ruh ha ka All India Radio, Shillong.
You may also like
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar
-
Nga la kren bun sien ba don ka jingbym hun ia ka rukom treikam hynrei u nongalam u kyntait : Paul