Ka Meghalaya Bharatiya Janata Party (BJP) kaba donlang ha ka sorkar synrop Meghalaya Democratic Alliance (MDA) ka ai jingiaroh ia u Myntri Rangbah ka Jylla da kaba ong, “Ha ka jingialam u Conrad K Sangma ka Jylla ka la kiew bha ha ka jingwanrah ia ki kam pynroi”.Ia kane ka jingiaroh ia ka Sorkar la kren hi da u President ka BJP Meghalaya u Rikman G Momin ba ka Party kan nym weng satia ia ka jingkyrshan na ka National People’s Party (NPP) ba ialam ia ka Sorkar Jylla.
“Ka Sorkar MDA ka treikam bha khamtam u Myntri Rangbah ka Jylla u trei shitom bad ka BJP ruh ka ai jingkyrshan ba radbah khnang ban wanrah ia ki kam pynroi na ka bynta ki paidbah bad ka Jylla” la ong u Rikman. Lah ban kdew ka BJP kaba don 2 ngut ki MLA ka donlang hapoh ka sorkar MDA ha kaba uwei bat ia ka shuki kum Myntri Sorkar.
Halor ka jingkylli u Presidnet ka BJP ula ong, ka kam ban kylliang shuki myntri ia ki MLA um don bynta eiei.“Ngan sa batai da la la poi ka por, hynrei ia mynta ngam don eiei ban kynthoh” ula bynrap.
You may also like
-
Dawa ki sengbhalang ban pyndam noh ia ka SAI Computer Pvt. Ltd ban sam bording ha thain Mawsynram
-
Pynsangeh ka NTA ïa ka NEET-UG 2026 ba kynnoh lait tuh ki Question Paper
-
Ka jingbym ioh jaka kam dei tang ka daw ba kyrduh doctor ka Jylla
-
Thoh ka Sorkar sha u Modi ban wan plie ia ka Shillong Medical Kolej
-
Puk tur spah ngut ki paidbah Lapangap sha Secretariat, synreit lyer pynsat khmat ki pulit