Dawa u Bah Adelbert ban pynbeit ïaki ba shah jied Interview kam Lecturer, Professor

U MLA ka North Shillong Constituency u Bah Adelbert Nongrum hynne ka sngi ula dawa naka tnat pule puthi ban pynbeit halor ka jingjied ia ki kyrtong kiba shah jied naka bynta ka Interview ia ka kam Lecturer bad Assistant Professor haki Government College.Ïa kane ka jingdawa u Bah Adelbert u la pynsngew haka jingiakynduh bad u Secretary ka tnat pule puthi u Swapnil Tembe.Haba kren shaki lad pathai khubor u Bah Adelbert u la ïathuh ba ka Interview naka bynta ka kam Lecturer bad Assistant Professor haki Government College kan sdang naduh 4 tarik Nailar hynrei bun ki kyrtong (Candidates) kila pynpaw ka jingbym hun haba iadei bad ka jingshah jied ki kyrtong (Candidates).

U Bah Adelbert ula kynnoh ba bun ki kyrtong (Candidates) kila kynnoh ba don ka jingbym beit ha ka rukom jied ia ki Candidate kiba leh ia ka Interview namar ka jingjied ka long ka bym khuid namar ki don kiba dei hok ban ioh hynrei kila shah kyntait.“Katkum ka Meghalaya Education Recruitment Board (MERB) ka kren shai kdar ba kan pyndap iaki kam (Post) daka ba iaid katkum ka 1:2:5 haba jied iaki kyrtong. Haka jingshisha haka tnat Chemistry ki don 27 tylli ki kam ba lait bad kiba shah jied (Shortlisted) kan dei ban long 67 ngut hynrei kiba shah jied (Shortlisted) ban leh Interview ki long tang 43 ngut” la ong u Bah Adelbert.

U Bah Adelbert ula ong ka jingpynduna kiba shah jied (Shortlisted) ka long kumba la shah pynduna iaka hok jong ki kyrtong (Candidates) kiba thrang shisha ban ioh iaka kam Lecturer bad Assistant Professor haki Government College.U MLA ka North Shillong la dawa ruh naka tnat pule puthi ban bthah iaka MERB ban pyni paidbah iaki Marks jong baroh ki kyrtong kiba iakhun naka bynta ki kam Lecturer bad Assistant Professor haki Government College.