Hadien jan Shibnai kynthih ba la khang ban wan jngohkai hapoh ka kshaid Weinia, Nongkhnum bad ki jaka ba marjan, na ka liang jong ka kur Ïawren Ïawlar Nongsangriang, mynta ka sngi ka 12 tarik u Nailur 2025 ka la pynbna iar ba la plie paidbah biang ia katei ka jaka jngohkai hapoh Weinia bad ha Dewlynnong Nongkhnum baroh kawei.
Ha ka jingpynbna lyngba ki lad pathai khubor, u Divingstone Ïawren, Secretary ka Kur Iawren Iawlar Nongsangriang ha ryngkat ka jingiadonlang u Bah Kringwell Kharbani, EC Member bad Bah Shaining Marthong, EC member u la ong ba kane ka dei ka jingshim rai jong ka kur hadien ba la dep ban khot ban pynlong ia ka jingialang ban iatai halor kane.U la pynsngew ruh ba ka kur ka la ia
kut bad pynbeit ryntih ruh hala kajong kajong na ka bynta ka dor bai ieng jong ki kali barit bad baheh bad ka dor bai rung ka dei 20 tyngka shikhlieh hynrei la shah pat ia ki khynnah ba hapoh 18 snem bad kumjuh ia ki khynnah skul ba kin ioh ban rung ei khlem donkam ban siew ha katei ka jaka.Namar kata u la kyntu ia ki paidbah ba kim dei ban don kano kano ka jingartatien hynrei ba kin wan ban peit bad jngoh ia ka jingitynnad jong katei ka jaka ryngkat ki kshaid ba noh rymphum.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla