U MLA ka Mawshynrut constituency u Bah Methodius Dkhar ula ong, ka jingshah jied kum u Myntri Sorkar ka dei ka jingjop ka thaiñ West Khasi Hills baroh kawei. Haba kren sha ki lad pathai khubor hadien ka jingbam smai kum u Myntri Sorkar u Bah Methodius hynne ka sngi ula ong, ba la palat 20 snem ka Mawshynrut constituency kam pat ioh nongmihkhmat ba long Myntri Sorkar.
“Mynta la bun bun snem ka thaiñ Mawshynrut constituency bad ka West Khasi Hills baroh kawei kam pat ioh Myntri Sorkar. Mynta ka jingshah jied nga kum u Myntri Sorkar kan pynshlur ruh ïa kiwei ban nang iai trei shitom na ka bynta ka roi ka par jong ka thaiñ” la ong u Bah Methodius. Haba kylli ia ki kam ba kum u Myntri un leh, u Bah Methodius ula ong ba ka HSPDP kan iai tynruh bad ka Sorkar ban pynbeit noh ia ka jingiakajia khappud bad ka Jylla Assam.
U Bah Methodius ula ong ba ka Party kan dawa ruh na ka Sorkar ban pynrung noh ia ka ktien Khasi bad Garo ha ka khynrit ba phra jong ka Riti Synshar ka Ri India. “Nga ai khublei ïa u Bah Shakliar Warjri bad ia ka Party kaba la ai lad ïa nga ban long Myntri Sorkar bad nga kyrmen ba ngan nang lah ban trei kham bha shuh shuh na ka bynta ka Party bad ka Jylla baroh kawei” ula ong.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone