Pynlong ka WCCB da ka jingialang ban iakhun ia ki kam siew pyrshah ia ki mrad

Ka Eastern Regional Office jong ka Wildlife Crime Control Bureau (WCCB), Ministry of Environment, Forest and Climate Change, ka Sorkar India ryngkat ka jingiatreilang bad ka Wildlife Wing jong ka Forest and Environment Department ka Sorkar Meghalaya ki la pynlong ia ka jingialang jong ka Inter-Agency Coordination Meeting jong ki tnad sorkar Pdeng bad ki Sorkar Jylla ha ka 12 tarik u Nailur ha nongbah Shillong. Ka jingthmu jong kane ka jingialang ka long ban wanrah ka jingiadei ba iajan hapdeng bad ki tnad bapher bad ban don ia ka jingiatreilang ban iakhun ia ki kam sniew pyrshah ia ki mrad ki bapher bapher kiba don hapoh ka jylla Meghalaya bad ha ka thain shatei lammihngi. Ha kane ka jingialang la wan iashim bynta da 27 ngut ki heh ophisar jong ka Sorkar Pdeng bad Sorkar Jylla kiba kynthup ia ki pulit ka Meghalaya, Border Security Force, Central Reserve Police Force, Central Bureau of Investigation, Narcotics Control Bureau, Enforcement Directorate, Directorate of Revenue Intelligence, Meghalaya Forensic Science laboratory bad Assam Forest Department.

Haba ai jingkren plie ia ka jingialang, u Principal Chief Conservator of Forests (Wildlife) bad Chief Wildlife Warden u HC Chaudhury ula pan ia ka jingiatreilang bad ka jingkyrshan na baroh ban iada bad pynneh pynsah ia ka jingdon jingem jong ki mrad hapoh ka jylla. Katba u Dr. Manoj Kumar, Joint Director, WCCB ula sdang ia kane ka jingiatai da kaba pynpaw ia ka jinglong jingman jong ki kam sniew pyrshah ia ki mrad hapoh ka ri India bad ki jingpyrshang ban iakhun pyrshah ia kitei ki kam sniew. Ka jingdonkam ban phah noh mardor ia ki jingtip, ki jingthmu ba sha lyndet jong ki kam sniew jong ki kynhun, ka jingiatreilang bad ban khynra lang, ban ai jinghikai pyntbit bad ka jingling jingman ha kaba iadei bad ki kam sniew hapoh Meghalaya bad kumta ter ter kadei kaba la iatai sani bha ha ka jingialang.

Hadien jong katei ka jingiatai, la pynbud pat sa ia ka jingai jinghikai pyntbit ha ka 15 bad 16 tarik u Nailur na ka bynta kito kiba donkti ha kaban iakhun pyrshah ia ki kam sniew pyrshah ia ki mrad bad ha kane ka jingai jinghikai pyntbit la wan iashoimbynta da 28 ngut ki ophisar na ka Wildlife Wing jong ka tnad Forest and Environment bad 7 ngut ki ophisar jong ka Meghalaya Police bad ha kane ka jingai jinghiaki ka kynthup ia ka jingpyntreikam ia ka Wild Life (Protection) Act, 1972; Cybercrime, Case Documentation, ka jingling jingman ki kam sniew hapoh ka thai nShatei Lammihngi ka ri, ki jingthmu ba sha lyndet jong ki kynhun runar bad ki kyndon kiba iadei bad ka Bhartiya Nagrik Suraksha Sanhita, 2023 bad ka Bhartiya Sakshya Adhiniyam, 2023. Ki heh ophisar jongka WCCB hapoh ka jingialam jong u Sri S.S. Patil, Regional Deputy Director, WCCB, Eastern Region bad kiwei kiwei ki riewshemphang na ki liang bapher bapher kila ai ia ki jingkren ha katei ka jingai jinghikai.