Dawa ka BJP ban ai lad thoh eksam MCS, MPS ia ki samla pule Graduate

Ka Meghalaya Bharatiya Janata Party (BJP) ka la dawa na ka Sorkar Jylla ban wanrah jingkylla ha ki kyndon thoh eksam Meghalaya Civil Service (MCS) bad Meghalaya Police Service (MPS). Ka BJP ka la dawa na ka Sorkar Jylla ban shah ia ki samla ba dang pule Graduate (Final Year) ban iakhun iaka eksam MCS bad MPS. Haba kren shaki lad pathai khubor u Spokesperson ka Meghalaya BJP u Bah M Kharkhrang ula ong ba wat ki kyndon jong ka Union Public Service Commission (UPS) ki shah iaki samla ba dang pule Graduate (Final Year) ban thoh iaka eksamin UPSC. U Bah Kharkhrang ula ong ba ka Meghalaya Publication Service Commission (MPSC) ka khot thoh eskam tang shi sien haka san snem katba ka UPSC ka khot thoh eksam man u snem.

“Ka UPSC ka shah iaki samla ba dang pule Graduate (Final Year) ban thoh eksam hynrei ka buh kyndon ba kito ki juh ki samla kidei ban pynbiang iaka syrnod (Certificate) ba kila pyndep iaka jingpule Graduate hashuwa ban thoh pat iaka Main Examination” la ong u Bah Kharkhrang.U Spokesperson ka BJP ula ong ba ka MPSC ruh kadei ban shim nuksa jong ka UPSC daka ba shah iaki samla ba dang pule Graduate (Final Year) ban thoh eksamin MCS bad MPSC hynrei kito ki juh ki samla kidei ban pynbiang iaka syrnod (Certificate) ba kila pyndep iaka jingpule Graduate Final hashuwa ban thoh pat iaka Main Examination

Ula ong ba ka jingteh kyndon ka MPSC ban nym shah iaki samla ba dang pule Graduate (Final Year) ban thoh eksamin MCS bad MPS ka tuh noh iaka por bad iaka rta jong kito ki samla kiba dang hap ap ban pyndep iaka jingpule Graduate.”Namar kata ka Meghalaya BJP ka sngewdei ban ai jingmut iaka Sorkar ban weng noh iaka kyndon ban nym shah iaki samla ba dang pule Graduate (Final Year) ban thoh eksamin MCS bad MPS” ula ong.