Iaid paibah ki riewngiet Balang U Blei ban pyrshah kam runar bad u drok

Ka Balang u Blei (M&A) Nongthymmai, Pohkseh ha kane ka sngi Saitjain ka la pyllong ia ka jingiaid paidbah ban rat dyngkhong ia ki kam sniew bad ka jingkynrei jong u drok ha kane ka jylla. Ha kane ka jingiaid paidbah la wan iashim bynta kynthup ki Pastor, ki Rangbah Balang bad kiwei de ki riewngeit na ki balang bapher bapher. Kane ka prokram ka long ruh shibynta ban pynpaw ba ki ai ka jingiatreilang bad ka sorkar khnang ban lah ban pynduh jait noh ia u Drok uba la jyllei ha jylla Meghalaya. Shwa ban iaid kjat ka Balang, ka la pyllong ia ka jingialang ha phyllaw ka Iingmane ha kaba la ioh ia ka jingkren na u Rev Pastor KIiston Nongpluh halor ka jingsniew jong u drok.

U Pastor Kiliston ula ong ha kum kane ka jingiaid paidbah, la dei ban iamih paidbah bad ban iashim bynta paidbah ban pyni ia ka jingieid ia la ki khun ki kti bad ban sumar ban phikir ia ki. U Pastor ula ong ba kane ka dei ka khubor ban pyni ban iathuh sha ki paidbah bad khamtam sha kito kiba ngat ha ka jingsniew ba kumno kum ki khun u Blei ki kwah ban pyllait na ki jingsniew bad ban ai ka jingkyrmen ba kin lah ban pyllait. U Pastor ula ai mynsiem ia ki paidbah ba kim dei ban duh jingkyrmen namar kam don kaei kaei  ka bym lah ha ka mon u Blei.

Ula kyntu ia ki khun samla naduh ki khynnah barit, ba ki dei ban tip ba ka jingsniew ka don ha kylleng ki dong bad ki shnong bad ki dei ban sngewthuh ba kin lait na ka jingshah pynshoi na une u jingsniew ba shyrkhei bad ba kidei ban kiar.“ Nga kyrpad ia ki samla ba kin kyndit bynriew ban kiar na ki jingdih kiba sniew bad ki kmie ki kpa ki dei ban sumar ban phikir ia la ki khun ki kti jong ki,” la ong u Pastor Kiliston.