Ki Pulit ka Anti Narcotics Task Force (ANTF) ha ka step jong ka sngi Thohdieng ka 24 tarik, Risaw ki la ioh kem ia arngut ki briew na Sohryngkham kiba thmu ban wan sha Shillong ban shalan ia u droks.
Kine ki arngut ba shah kem la tip kyrteng kum ka Suma Dhar 42 snem ka rta bad u Sultan Mohamad Mazudar 35 snem ka rta, kine baroh arngut ki dei na Silchar, Assam.Ia kine arngut, ki pulit ki la iohkem hadien ba ki la pyllong ka jingap shrip ha ka thain Sohryngkham bad na ka kali jong ki ka Alto kaba don ia u nombor AS11EC3733, la ioh ban kurup haduh saw tylli ki song sabon ba thep droks ba don kumba 54.13 gram.
Hadien kane, ki pulit ki la aiti noh ia kine ki briew sha ki Pulit ka Sohryngkham ban leh ia kaba donkam bad ban pynngat ia ki hapoh ka kyndon jong ka ain NDPS Act.Na ka liang ki pulit mynta ki dang pyllong ia ka jingtohkit ban lap shuh shuh ia kiba donkti ha kane ka kam beain.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap