Rakhe ka KSU ia ka ‘Anti-Uranium Day’ ban kynmaw burom ia I Mei-ieit Spility

Ka Khasi Students Union (KSU) South West Khasi Hills District ha ka Sngi Ba-ar ka la rakhe ia ka sngi pyrshah uranium (Anti-Uranium Day) ha Domiasiat, South West Khasi Hills District da kaba kynmaw burom ia ka lyngkhuh sngi iap ba 5 jong i Mei-ieit Spility Lyngdoh Langrin iba la ieng pyrshah ia ka Sorkar India bad UCIL haduh ka sngi ba I la khlad noh na kane ka pyrthei, bad mynta i la long ka tynrai bad ka nongrim jong ka jingiakhih pyrshah Uranium ha Rilum Khasi, bad ia ka 28 tarik u Risaw manla u snem, ka KSU ka la rakhe ia ka kum ka Anti-Uranium Day.Ka Mini Secretariat ha Pynursla kan wanrah ia ka synshar khadar bym noh shiliang: ConradShillong, Risaw 28: U Myntri Rangbah ka Jylla Conrad K Sangma hynne ka sngi Ba-ar, ula plie paidbah ia ka Mini Secretariat ba dang shu tei thymmai bad ka Circuit House ha Pynursla, kum shi bynta ban wanrah ia ka jingshakri kaba jan sha ki paidbah. Ha kane ka jiingplie la iadonlang u Symbud Myntri Rangbah Bah Prestone Tynsong uba dei ruh u MLA ka Pynursla, u Myntri Sorkar u Bah Sanbor Shullai,u Chief Secretary Dr Shakil P Ahammed, u MLA ka Sohra Bah Gavin M Mylliem, ka MDC ka Nongshken ka Kong Grace Kharpuri, ki heh ophisar sorkar, ki nongialam shnong bad ki paidbah ka thain.Haba kren ha ka jingialang u Conrad Sangma ula ong ba kane ka project ka long kum ka jingpynpaw ia ki jingthmu jong ka Sorkar Jylla ban wanrah ia ka synshar khadar bad ka jingtreikam ba janai ban pynkhlain ia ka jingshakri paidbah bad ban sam ryntih ia ka roi ka par ha ka Jylla Meghalaya baroh kawei.

“Ka Mini Secretariat bad ka Circuit House ha Pynursla ka pyni ia ka jingkut jingmut jong ka Sorkar ban pynpoi ia ka synshar khadar sha kylleng ki jaka bad ban pynbiang tarajur ia ka jingkiew shaphrang” ong u Conrad bad ka ong ba ka sorkar ka kwah ba ki nongshong shnong kin ym donkam shuh ban mareh na kawei ka ophis sha kawei pat.Haba batai ia ka jingmut jong ka jingtei ia ki Mini Secretariat, u Myntri Rangbah ula ong, ba baroh ki Tnad Sorkar ha ki kyrdan Sub Division kin treikam noh hapoh kawei ka tnum ban pynthikna ia ka jingsted, ka jingiatreilang ha ka jingai jingshakri.U Conrad ula pynpaw ia ka jingsngewnguh ia ki Shnong ki Thaw khamtam ka Raid Shabong, kaba la aiti sngewbha ia ka jaka na ka bynta ka project bad iaroh ruh ia u Symbud Myntri Rangbah Bah Prestone Tynsong uba la shimkhia khlem shongthait ban pynurlong ia kane ka project.U Bah Prestone ula ai khublei ia u Myntri Rangbah ba ula kynthup ia ka Pynursla ha ka mat pynroi ha ka Jylla bad iaroh ruh ia ka jingiatreilang kum ka kynhun ha kaba la lah ban pynurlong ia kane ka project.Ula ong ba ka jingplie ia ka Pynursla Civil Sub-Division kan sah ha ki khana bad ka dei ruh ka khyllipmat kaba sngew sarong ia ki paidbah jong ka thain.Ha shwa kane u Myntri Rangbah ka jylla u Conrad K. Sangma bad u Bah Prestone Tynsong kila plie ia ka Block Integrated Development Complex (BIDC) kaba la tei thymmai ha Pynursla C&RD Block, East Khasi Hills District.Ha kane ka jingplie la donlang u Myntri Sorkar uba khmih ia ka Arts & Culture u Bah Sanbor Shullai, u MLA ka Sohra u Bah Gavin Mylliem, u Chief Secretary ka jylla u Dr P Shakeel Ahmed, u Bah CVD Diengdoh, Commissioner & Secretary ka sorkar jylla, ka Kong Evarinylla Warjri, SDO (Civil), Pynursla Civil Sub-Division, u Bah Peter T. Passah, MCS, Project Director, DRDA, East Khasi Hills, ka MDC ka Nongshken ka Kong Grace Kharpuri bad kiwei kiwei.

Ha kane ka sngi, ka KSU ka la pynlong ia ka jingteh Banner ha kylleng ki bynta jong ka South West Khasi Hills District kynthup ia ka Mawkyrwat, Umdohlun bad Wahkaji ban kynmaw burom ia i Mei-ieit Spility bad ban phah ruh ia ka khubor kaba shai sha ka UCIL bad Sorkar India bad da lei lei ngin ym ailad ban tih Uranium wat lada ngin hap ban mad ia ka jingiap.Haba kren ha ka jingialang ha Domiasiat hashwa ban leit buh syntiew ha u Lum Jingtep jong I Mei-ieit Spility, u samla Biangbor Paliar, Vice President ka KSU Seng Kmie u la pynpaw ia ka jingsngewkmen kaba khraw ba ka iing ka sem jong i Mei-ieit Spility ka dang skhem bad ka la nang skhem ban ieng pyrshah ia ka jingtih Uranium ha kane ka thaiñ.U samla Biangbor u la ong ruh ba watla ka Sorkar India ka la pynmih ia ka Office Memorandum, ba ym donkam shuh ia ka jingbiahar paitbah hashwa ban tih Uranium, hynrei ka seng ka kren shai ba da lei lei jia katba jia bad long katba long, ngin ym ailad da lei lei ban tih Uranium.“Ka seng ka kwah ban kren da kaba shai ba ha kaba iadei bad u Uranium hapoh kane ka Bri U Hynniewtrep, lada ka long katba long bad lada ka jia katba jia, ka KSU kan ym ailad da lei-lei bad lada ka Sorkar India ka kwah eh ban tih uranium, ai ba kan leit tih na kiwei pat ki Jylla. Nga kwah ruh ban pyntikna hangne ba ka jingtih uranium hapoh ka Bri U Hynniewtrep kan ym jia da lei-lei katba ka seng ka dang ieng ban ialeh,” ong u samla Biangbor uba la pynbna ruh ba ia kane ka 28 tarik u Risaw yn rakhe kum ka Sngi Pyrshah Uranium ha baroh kawei ka Bri U Hynniewtrep.

Na ka liang jong u samla Forwardman Nongrem, President ka KSU South West Khasi Hills District u la iathuh ba ki don ki mynsiang pynshad thma kiba la pyrshang ban pynjah burom bad pynpait ia ka iing jong i Mei-ieit Spility tang ban iohnong shimet. Kumta, ka KSU ka phah ia ka khubor sha kine ki myrsiang ban kyllabamut noh namar ba i Mei-ieit Spility mynta i la pynmih da ki hajar ki riew ialeh kiba shlur kiba bud ia ki dienjat jong i. U la kyntu ruh ia ki dkhot ka iing I Mei-ieit Spility ba kin iai ieng skhem wat hapdeng ki babun ki jingshah pynshoi ban tare ia ka spah, bad ban iai ieng ryngkat bad ka KSU ban pyntikna ba ia ka nongrim ngin ym kylla da lei lei jia katba jia bad long katba long.“Ngi pynbna paitbah ba katto ha ki snem ba la dep phi (Sorkar India, Sorkar Jylla bad UCIL) la pyrshang ban ñion bad katta ruh ngi la ieng skhem, mynta lei lei bad nangne shakhmat lei, ngi la pynmih kham bun ki riewkhraw bad riewialeh ban ieng pyrshah ia u Uranium bad ngin ym ailad da lei lei,” ong u samla Forwardman.U samla Forwardman u la kynthoh jur halor ka jinglong arsap ki Sorkar Jylla kiba na ka shyntur ki ong ba ki pyrshah tih Uranium bad ki da kren shai ba da lei lei kin ym ailad, hynrei haba ka seng ka dawa ba kidei ban wanrah bad pass da ka Resolution hapoh Iingdorbar Thawaiñ ka Jylla ban khylliap noh ia ka lynnong jong u Uranium, kim shym la leh ia kata.Na ka liang jong u Bah Phrijune Lyngdoh Langrin, khun jong I Mei-ieit Spility Lyngdoh Langrin u la iathuh ba ka don ka hamsaia ba ki khun i Mei-ieit Spility ki la shet kylla, hynrei nga iathuh ia phi ba haduh mynta ngim don kum kata, hynrei ngin iai ieng lang ban pyrshah ia u Uranium. “Naduh u snem 1990 ter ter haduh mynta, ngi la mad shibun ki jingeh kiba bun rukom, hynrei iaineh skhem ha ka nongrim ba la ialam da i Mei. Hooid ngi ieit ia ka spah, bad ngi kwah ia ka spah, hynrei da lei lei ngin ym tare ia ka spah kaban wanrah ia ka jingjot. Ngi iohi ba ka Sorkar India ka la pyrshang ban wanrah da ki buit bapher bapher ban ioh khlong ia u Uranium, hynrei nga kyntu ia phi kum ki samla ka Jaitbynriew ba wat khuslai namar da lei lei kum ka iing ngin ym kynrandien da lei lei,” ong u bah Phrijune.Kiwei pat kiba la ai jingkren ki kynthup ia u samla Pynshai Rani, Information & Publicity Secretary KSU CEC, samla Streamly Suchen, President KSU East Jaintia Hills District, samla Franklin Syiemiong, GS KSU West Khasi Hills District.