Shah jied ka Iarisha Kharbhoi ban leit mihkhmat sha ka Republic Day

Ka long ka jingsarong ia ka jylla Meghalaya bad ka kynhun Disaster Management kaba iarap ia ki jingjai lynshop mariang ka kong Iarisha Kharbhoi ka Aapda Mitra Volunteer na East Khasi Hills District ka la shah khot sngewbha sha ka jingrakhe ia ka sngi Republic Day 2026 ha New Delhi, halor ka jingtrei shitom bad ka jingnoh synniang jong ka khlem da pyrkhat ia lade ban iarap ia ki jingjia ba sngewsih.

Ka nongtrei mon sngewbha ba la shah hikai pynbit hapoh ka Yuva Aapda Mitra ka Kharbhoi ka la don bynta ban iarap ia ki jingjia ba shyrkhei ban pyllait im bad ia iarap ia ki shem lannot ha ka District.

Ka jingshakri jong ka ka long ka nuksa ia kiwei ha ka por ba jia ka jingpluh ding ha Thana Road, Police Bazaar, Shillong ha u bnai Lber 2023, kaba la ïarap ban pynkynriah ïa ki briew ka jingsam ia ki tiar ba donkam, bad ka jingbteng ka jingshakri mon sngewbha na ka bynta ar taiew kynthup ia ki kam miet.

Nalor ka jingiarap ka Kharbhoi ka la noh synniang ha ka liang ki prokram bapher ban pynshai ia ki paidbah ban lait na ki jingma haba jia ki jingshah lynshop ka mariang bad kumjuh ban kyntiew ia ka imlang sahklang.

Lah ban kdew ka District Disaster Management Authority ka East Khasi Hills, ka la ai jinghikai ïa 202 ngut ki Apda Mitra Volunteer ha u snem 2022-23 bad 600 ngut ha u snem 2025-2026.

Kine ki Volunteer ki la kylla long ban ai jingiarap ia ki lanot lynshop mariang ha kano kano ka por.