Kam long kaba bha ia ki ban pynlong kum kine ki jait jingialang, nga tharai kan pynmih ia ki jingkulmar, to ngin burom ia kano kano ka jingngeit kaba phi don, ia kano kano ka niam kaba phi don. Ia kane la ong da u President ka United Democratic Party (UDP) u Bah Metbah Lyngdoh halor ka jingthmu kawei ka kynhun niam Hindu ban wan ialap khang bam doh masi ha Nongbah Shillong.
“To ngin burom ia kano kano ka jingngeit kaba phi don, ia kano kano ka niam kaba phi don, phi leh ia la ka jong hynrei wat pyrshang ban pynthut ia kiwei pat” la ong u Bah Metbah. U Bah Metbah ula ong ruh ba ka Meghalaya ki don bun ngut ki riewngeit Hindu, ki Muslim bad kiwei pat jaitbynriew bad ki niam bapher bapher hynrei kim pat ju lap ba ki nong Meghalaya ki wan ban pynwit ha ka jingleh niam ne ngeit niam jong ki.
“Kumta ka hap ban long kumjuh ba ngi hap ban burom iwei ia iwei pat bad ia ki jait jingleh niam baroh” u la ong.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC