Ka Meghalaya Energy Corporation Limited (MeECL) bad ka The Energy and Resources Institute (TERI) ki la soi ia ka Memorandum of Understanding (MoU) ban kyntiew bad pynkhlain ia ka rukom pynmih bor ding ba lah ban pynthymmai (distributed renewable energy) ha Meghalaya. Kane ka jingiatreilang ka thew ban pynbiang ia ka bor ding kaba ryntih, kaba shngain, bad kaba neh slem na ka bynta ka lawei jong ka jylla baroh kawei. Ia kane ka soskular la soi ha ophis treikam baheh jong ka MeECL ha Shillong, ryngkat ka jingiadonlang ki heh sorkar bad ki nongmihkhmat na baroh arliang.
U Commissioner & Secretary ka Power Department bad CMD jong ka MeECL, u Sanjay Goyal (IAS), u la pynpaw ba ka jingpyntreikam ia ka distributed renewable energy ryngkat bad ki battery ne ki lad kynshew bor ding (storage systems) kan wanrah jingkylla kaba khraw ha ki jylla shatei-lam-mihngi (North-East), khamtam ha ki jaka kyndong kiba kordor palat ban pynpoi bor ding lyngba ki grid kiba ju pyndonkam. Kane ka jingiatreilang kan pyniasoh ia ki buit stad ba tbit jong ka TERI ryngkat bad ki bor treikam jong ka MeECL bad ki tnad jong ka—kum ka MePDCL, MePTCL, bad MePGCL—ban pynkhlain ia ka rukom sam bor ding bad ban kyntiew ia ka ioh ka kot da kaba kynshew spah ha ki lad pynmih bor ding kiba pynneh mariang.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC