Haba pynsangeh ia ki jingkam ba kan don ka jingkylla ha ka bhah shuki Myntri Sorkar, u Symbud Myntri Rangbah uba dei ruh u President ka NPP Meghalaya u Bah Prestone Tynsong ula ong, ba kam don kano kano ka jingpynbeit lypa na ka bynta ki 3 ngut ki MLA barim ka UDP ba dang shu pyniasoh bad ka NPP bad ba ka kynhun Myntri ba mynta ka la don lypa ia ki kam ba la bynshet lypa.
Haba kylli lada uwei na ki 3 ngut ki MLA barim jong ka UDP un shah pynrung ha ka kynhun Myntri Sorkar, u Bah Prestone ula ong “Ha ka kynhun Myntri ka la don lypa, ki don ia ka kamram jong ki.”
Halor ki khubor ba u Bah Paul Lyngdoh un shah kynthup biang ha ka kynhun Myntri Sorkar, u Bah Prestone ula ong “Kum kata, ngam tip. Nga kwah ban tip name phi ba iathuh ia nga. Nga dei u Symbud Myntri Rangbah hynrei ngam tip ei ei shaphang kata. Nga tip tang na phi, kumta phi lah ban iathuh mano ba iathuh ia phi kumta. Nga ruh nga kwah tip ia phi.”
U Bah Prestone ula kyntait ruh ban don kano kano ka jingpynbor na ka BJP ban ioh bhah shuh shuh ha ka kynhun Myntri Sorkar hadien ba 8 ngut ki MLA ka UDP ki la pyniasoh bad ka party.
You may also like
-
Ka MeECL bad TERI ki iasoi soskular ban pynkhlain ia ka bor ding ba lah ban pynthymmai ha Meghalaya
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s