Ai jinghikai kumno ban iada haba shah pynjulor ha u jumai

Ka tnad Revenue and Disaster Management, ka Meghalaya State Disaster Management Authority (MSDMA) bad ki District Disaster Management Authorities (DDMAs), ki la pynlong ia ka mock exercise ban ai jinghikai kumno ban iada haba shah pynjulor ha u jumai.
Ia kane ka la pyllong ryngkat ka jingiatreilang bad ka National Disaster Management Authority (NDMA), ka tnad Kam Pohiing ka sorkar pdeng ha kaba la pyllong ha jylla Meghalaya bad ha kiwei ki jylla kynthup ha Arunachal Pradesh bad Mizoram.
Kane ka mock exercise la sdang da ka jingsawa ia ki siren ha ka State Emergency Operation Centre (SEOC) bad ki District Emergency Operation Centres (DEOCs), ban pyni kum kaba la wan u jumai.
U Maj. Gen. Sudhir Bahl (Retd.), Lead Consultant (ME & IRS), NDMA, New Delhi, u la leit jurip hi dalade ban khmih ia ka jingpynkhreh. Ka kynhun ka la leit jurip ia ka jaka ha Seng Khasi Secondary School, Marbisu, ka jingpynkhreh ia ka jaka ai jingsumar ha iew Mawngap, bad leit jurip ruh sha ka jaka ba shah pynjulor ha ka jingtwa khyndew ban pynkhreh ka jingpyntreikam.
“Ka thong jong kane ka mock exercise ka long ban don ia ki rukom treikam kiba biang khnang ba ki lad jingiarap kin poi ha ka jaka kaba dei ha ka por kaba biang kat kum ka jingdonkam,” ula ong.
Ka kong M. War Nongbri, IAS, Commissioner and Secretary ka tnad Revenue and Disaster Management ka sorkar jylla, ka la kdew ia ki jingai jingmut ba la ioh na ki jingpyrshang kiba la dep bad pynshai halor ka jingdonkam ban pynbha ia ki rukom treikam.
“Ngi don ha ka thain kaba ma bad ngi donkam ban long kiba la pynkhreh ban leh ia kaba donkam ha ka por kaba biang bad ha ka rukom kaba tbit,” ka la ong.