U wei u rangbah ba la 65 snem kyrta u la khlad noh hadien ba ka jeep kaba u niah ka la noh ha kawei ka riat katba u dang wanphai na Makoibari, Mawdiangum, kane ka jingjia ka la jia mynta ka sngi ha ka por 1:30 nohphai sngi. La ioh jingtip, ba u ne u rangbah ba la khlad noh la tip kyrteng kum u Rymphangsngi Blah u ba shong basah ha ka shnong Saiden, Ri Bhoi District.
Ka khubor na ki pulit ka Nongpoh Police Station, la ong, ba kane ka jinghap jong kawei ka jeep ba la niah da u tei rangbah kaba don ia u number ML 10- 1027 ka la jia hadien ba la don ka jingthut ha kane ka jeep bad namar ka jingbym tehlakam ia ka kali, kane ka jeep ka la noh sha kawei ka riat kaba jylliew ha Makoibari hajan Mawdiangum, Ri Bhoi District.
La iathuh ruh, ba ki pulit hadien ba ki la poi ha katei ka jaka ki la pynkit noh ia u ne u rangbah u ba la mynsaw jur sha Bethany Hospital hynrei ki doctor ki la pynbna ba u la khlad noh na ki jingmynsaw kiba jur. Na ka liang ki bor pulit ki la aiti noh ia ka met jong u ne u rangbah sha ki bahaiing hadien ka jingbym treh ban leh ia ka post mortem.
You may also like
-
Ka jingpynheh kad liengsuin Umroi yn pyndep hapoh 15 bnai
-
Ka KHADC ka dei ban kynra Trading License, ba khrong pisa ka Shillong Club ia ki nongwan kai ha Golflink
-
Pyrshah ka shnong Pynthorumkhrah ban tei Park T.25 klur ha madan Golflink
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement