Ka nongïada na ki spam ha India: Ka Truecaller Community ka la iada na 1,200 klur ki phone call ki bym kwah ban ïoh ne ki Unwanted Calls ha u snem 2025

Ki nong India ki ïoh palat 4,000 klur ki spam call ha u snem 2025, ka pyni ïa ka jingkiew jong ki jingleh ia ki kam thok, ki jingpynthut, bad ki jingma kiba ha ka liang ka digital kiba don ha ki kor ïakren kiba man la ka sngi. Ha India, man ka phone call ka kit jingmut – ka lah ban plie ia ki lad ki kabu ba bun, ban pynpoi ïa ki jingtip ba kongsan, lane ka lah ruh ban buh ïa ki briew ha ka jingma. Katba ka ri ka nang ïaid sha khmat ban long ka ri kaba la pynkup bor ha ka liang digital bad ban don ïa ka ïoh ka kot kaba lah ban ïaleh bad kiwei ki ri hapoh ka jingthmu jong ka Viksit Bharat, ka jinglah ban shaniah ha ki lad ban ïa kren ka long kaba donkam bha na ka bynta kane ka jingkiew shaphrang .

Ka kaiphod ba la pynmih dang shen da ka Truecaller ka pyni ba 1,189 klur na kine ki phone call ki ba ym kwah ban ïoh lane ki unwanted calls la khang lad shwa ba kin poi sha ki nongpyndonkam, kaba la ïarap ïa phew lak ngut ki briew ban lait na ki jingshah thok ne ki scam, ka por ba lut kai, bad ki jing pynkhia kai ïa ka jingmut jingpyrkhat ha kane ka por ba ka ïoh ka kot ka long kaba iasoh nawei shawei. Da ka jingdon palat 100 klur tylli ki phone connection ha ka ri kiba pynïaid ïa ka ïew, ïa ka jingsynshar bad ka jingïadei shimet, ka Truecaller mynta ka sngi ka pynmih ïa ka kaiphod halor ki jinglum jong ka ha u snem 2025, kaba ai ïa ki jingïoh lum jingtip kiba pyni ba kumno ki kam thok bad ki kam pynngop ne ki spam bad ki fraud ki pynkylla dur noh ïa ki lad ïa kren jong ka ri bad kumno ba ki kor teknologi ki ïarap ban ïada ïa ki klur ngut ki briew man la ka sngi.

Kane ka kaiphod ka pyni kumno ba kine ki rai ki treikam ha u snem 2025, kaba pyni ïa ka jingkiew jong kine ki jingma haka kam digital bad ka jingkiew ha ka jingdonkam ban ïada pyrshah ïa kine.

“Ha ka ri ha kaba ka jingpyniasoh ka pynkup bor ban ioh ia ki lad ki kabu ha man la ki kyrdan, ka jingshaniah ka la kylla long ka jingdon jingem digital ba kordor tam ha ngi,” la ong u Rishit Jhunjhunwala, CEO, Truecaller. “Ki kam thok mynta kim dei tang na ka daw ka jingthut ha ka bor teknical, hynrei ka dei ka jingleh jong u briew. Ka pynmih ia ki jingtieng, ka jingkyrkieh, bad ka jingbym tikna ha ki khyllipmat ba kongsan tam. Ka jingkit khlieh jong ngi ka dei ban pyntikna ba uno uno ruh u nongshong shnong jong ka ri India un ym hap ban jied hapdeng ki lad ïa kren bad ka jingshngaiñ. Ka jingthmu jong ki ha Truecaller ka long kaba suk: ban ïarap ïa ki briew ban don ki lad jingpynïadei khlem da hap ban pyndem noh ïa ka jingshngaiñ bad ban pynsangeh ïa ki jingma shwa ba kin kylla sha ka jingduh noh.”