Man la ki nongbuh pisa kiba lai ha Meghalaya ki bei pisa lyngba ka Groww

Katba ka jingiasoh dijital bad ka jingtip ia ki jingioh jingkot ki nang iai jylliew ha kylleng ka thain shatei lamihngi, bun na ki nongbei pisa ki la nang iashim bynta ha ka iew iadie iathied capital markets ban ia nujor bad ha ki por ba ha shwa. Haba peit halor kane, ka Groww, kawei na ki rynsan bei pisa kaba heh tam ha ka India da ka jingdon jong ki nongpyndonkam, ka la ai jingtip ba ka don ia 32% jong ki nongbei pisa jong ka NSE kiba dei na Meghalaya katkum u bnai Jylliew 2026, kaba mut ba iwei na lai jong ki nongbei pisa ha ka jylla ki bei pisa lyngba kane ka rynsan.
Ka thain shatei lamihngi ka la mih kum kawei na ki thain kiba kiew sted na ka bynta ka jingbei pisa lyngba ki kor dijital, kaba la pyniaid shakhmat da ka jingkiew jong ka jingpyndonkam ia ki smartphone, ka jingbiang jong ka jingdon internet bad ka jingioh kaba suk ia ki rukom buh pisa lyngba ki rynsan dijital. Ki account jong ki nongpyndonkam ia ka Groww ki jan kot sha ka 24% jong ka jingdon ki nongbei pisa ha ka NSE kaba long haduh 36.31 lak ha kylleng ki phra tylli ki jylla ka thain shatei lam mihngi. Ka Sikkim ka la don ia ki nongbei pisa lyngba ka Grow kiba bun tam kata 41%, kaba bud da ka Arunachal Pradesh 40% bad ka Tripura 37%.
Kumba 27% jong ki nongbei pisa lyngba ka Groww ha Meghalaya ki dei kiba hapoh 25 snem ka rta, katba jan iwei na lai ki dei hapdeng 25 bad 30 snem, kaba pyni ba ka jingbei pisa lyngba ki kor dijital ka la nang treikam bha hapdeng ki nongbei pisa nyngkong bad kito kiba la kham don ia ka jingtip shaphang kane ka iew. Ka jingdon jong ki account kiba dei jong ki kynthei ka long la kumno kumno 24% lyngba ka Groww ha ka jylla, kaba pyni ia ka jingkiew jong ka jingiashim bynta jong ki kynthei ha ki jingbei pisa ha Meghalaya
Ka Groww ka tyrwa ia ki nongbei pisa ia ki tiar kiba bun ha kylleng ka jingiaid lynti bei pisa ka jong ki, kaba kynthup ia ki mutual funds, stocks, IPOs, trading, commodities, margin trading facility (MTF), bonds bad ki wealth management solutions. Kane ka rynsan ka la nang pynheh ruh ia ki rukom treikam ha kaba iadei bad ka khaii pateng da kaba pyndonkam ia ki tiar ki tiar ha ka iadie ia thied kiba katkum ka juk ba mynta ka jong ki, kaba kynthup ia ki option chains, charts bad ki terminal-based trading, kaba ai lad ia ki nongbei pisa kiba la kham tip na ka bynta ka jingiashim bynta kaba kham shitrhem bha ha kane ka iew.