Suba ka HYC ba don ki DALAI ba bei pisa ia ki nongkhaii drok

Ka Hynniewtrep Youths Council (HYC) ka ai khublei kyrpang ïa ki ophisar bad ki dkhot jong ka Anti-Narcotics Task Force (ANTF) jong ka Meghalaya Police halor ka jingïoh kurup ïa ki drok kiba kot palat T.51 klur ha ka jylla.Ka HYC ka la pynpaw ka jingsngewkmen ban iohi ba kane ka jingïoh kurup bun ia u drok, ka long ruh ka khubor kaba shai sha baroh kiba don bynta ha kane ka kam beain ba ki bor Pulit kim shongthait bad trei shitom ban pynduh jaid ia u drok hapoh ka Jylla.Ka HYC ka kyrpad jur ïa ki bor ba dei khmih ba kim dei ban kut tang ha ka jingkem ïa ki nongrah ne ki nongkhaii barit kiba don bynta ha kane ka kam.

“Wat la kine ki jingkem ki long kiba donkam, hynrei ka jingïakhun pyrshah ïa u drok kan long kaba jop shisha tang lada ki ‘Kha-bah’ kata ki nongpyniaid, ki nongbei pisa bad ki briew kiba don shadien jong kine ki nongkhaii drok, kin shah ithuh, shah pynpaw bad shah wanrah sha khmat ka aiñ,” ong u President ka HYC u bah Roy Kupar Synrem ha ka kyrwoh khubor.U la ong, ba ka seng ka ngeit ba ka kam Khaii droks ha kane ka thaiñ ka long kaba la pynbeit bha bad don ki briew kiba don bor kiba don bynta sha lyndet hynrei ki pyndonkam ïa kiwei ki briew ban long ki nongrah bad nongdie drok hapoh ka Jylla.

U Pesidenth ka HYC ula ong ba ka jingtohkit ka dei ban ïaid shakhmat ha ka rukom kaba bniah, kaba tbit bad kaba khlem map ban pynpra noh ïa ka naduh ka tynrai haduh ban rat diengkhong ia u drok ha ka Jylla.“Ka jingïoh kurup ïa ki drok ka long ka jingjop kaba khraw, hynrei ka jingjop kaba shisha kan wan tang yn da ki nongpynïaid ba heh kiba ïalam ïa kane ka kam na shadien kin shah wanrah bad pynshitom hakhmat ka aiñ,” ong ka HYC.