Ki nongshong shnong ka Nongrim Jirang, ri bhoi district hynnin ka sngi 18 tarik Lber ki la mih paidbah ban iarap ia ki longiing kiba shah rat bad lied lut ki tnum ha ka jingjia syllad eriong ha ka step 17 tarik Lber por mynstep khnang ba kin ioh jaka sah shipor.
Ha kane ka Sngi ki nongshong shnong ki la mih ryntih iarap ia san tylli ki longiing kiba shah rat lut ki iing haduh kim ioh shuh tang ka jaka sah, kumta ki nongshong shnong ki la mih paidbah ban iarap pynshna ia kitei ki longiing kynthup ka Wustar Syiem, Balarina Syiem, Bitibus Syiem bad Bashilor Lakmie ba kin ioh jaka sah shipor.
Ha kane jingjia la iathuh palat 12 tylli ki longiing ha shnong Nongrim Jirang ki la shah pynjulor bad shah rat ka tnum kumjuh ki jingthung jingtep kum ki kwai la kait ki la shah pynjulor bad kumjuh ki post ilektrik ki la khyllem bad sainar ki la dkut na ka jingjia syllad eriong.
Ha kajuh ka por na ka liang ka shnong ka la ai jingiarap da ki tarpal katba ka sorkar mynta ka Sngi 19 tarik ka la sam da ki tin mar ar ban ia ki lanot syllad eriong.
You may also like
-
Sngewnguh u Conrad ba kren u PMha ka Mann ki Bar halor ki jingkiengjri
-
Ka jingialehkai Yoga ka iarap ban ioh ka met ba koit ba khiah
-
Na ki 5 ngut kynthup 2 ki Garo ba shah rong umsaw ha Arunachal Pradesh
-
Ka mukotduma u Dr Batskhem pyrshah NEHU yn bishar la 10 tarik
-
Pulom ka jingtih dewiong ‘Open-Cast’ ha Jaintia, namar ka jinglong jingman ki jaka : Kyrmen Shylla