U President ka Meghalaya Pradesh Congress Committee (MPCC) u bah Vincent H.Pala ula ong ba watla bun ki nongialam ki la iehnoh ia ka party Congress ha Meghalaya, ka party ka dang don jingkyrmen ban wanphai biang ha ka bor ha u snem 2028.
Haba kren sha ki lad pathai khubor, u bah Pala ula ong ba u snem 2026-2027 ulong u snem uba donkam bha ia ka party Congress ban pynkhreh ia ka ilekshon ban wan.
U bah Pala ula ong ba ka party ka la trei tyngeh na bynta ban pynkhie im biang ia ka party bad ka la sdang ban thung ia ki President jong ki units bad ki Block.
U la ong ba watla ki nongialam ki mih, ki paidbah kiba kyrshan ia ka Congress ki dang neh hi bad ka party.
“Ka party haduh mynta ka dang ioh ia ka jingkyrshan na ki paidbah, watla ki nongialam ki la iehnoh ia ka party,” ong u nongialam ka MPCC.
Ha kajuh ka por, u bah Pala ula kam ba ki la sdang don bun ki nongialam kiba la wanphai biang sha ka party bad kin sa nang don bun shuh shuh kiban sa wan ban pyniasoh biang bad ka party Congress.
“Nga sngewskhem ba ha ka ilekshon 2028 ngin leh bha bad ynda ngi la sdang ia ka jingialap ileshon, ki paidbah kin sa sngewthuh ba ka Congress ka la wanphai biang sha ka bor,” ong u bah Pala.
You may also like
-
Pynkup burom ka ophis PHE ia 3 ngut ba ioh ‘Award’ Jal Mahotsav
-
Uwei u Ribon khap u MLA Mylliem bad u Bah Lambor, ïoh ka Pomlakrai Parish 2 tylli ki surok
-
Lah ban sei ka Congress ïa u Manuel Badwar ban ïakhun ilekshon MP shiteng samoi
-
Pynjur pahara ka sorkar ha thain khappud, namar ka ilekshon ha Assam
-
Ka kynhun tohkit kam pat lap ba don ka jingleh politik halor ka jingiakynnad ha Garo Hills