Ka Bajaj Finserv kan sa pyni paidbah ïa ki nongjop jong ka rynsan ïakob rwai digital kaba nyngkong, ka Bajaj Dhuniverse, ha ka 31 tarik Lber ha Mumbai, ka ba pynpaw ïa ka jingkut jong kawei na ki jingthmu ba heh tam ha ka ri ban wad nongrwai. Uba jop un ïoh nam kum u ‘Voice of the Nation’ bad un ïoh ïatreilang bad ki lai ngut ki nongthoh jingrwai Shankar-Ehsaan-Loy ban ïa shna lang ïa ka sur jong kane ka kynhun. Ia kane la pynmih kum ka rynsan kaba pyndonkam da ki teknologi, ka Bajaj Dhuniverse ka la khring ïa palat 60,000 ngut ki nongïashim bynta na kylleng ka ri India, kaba la ai lad ïa ki nongïashim bynta ba kin phah ïa ki jing rwai jong ki lyngba ki dur khih ne ki video bad ki sur audio khlem da donkam ban leit shano shano na ka bynta ban shah jied . Kane ka jingsdang ka thmu ban pynduh ïa ki jingkah jong u pud u sam bad ban wanrah ïa ki lad ki lynti na ka bynta ka sap ka phong na ki shnong rit bad ki jaka ba sha jngai.
Hadien ka jingbishar bniah kaba la bun kyrdan, la jied ïa 10 ngut ki nongïashim bynta ki ban poi sha kaba kut bad uwei u nongïashim bynta wild-card, u ba la ïoh jinghikai na Shankar-Ehsaan-Loy, u ban sa rwai ha ka sngi kut ka ban sa pyni paidbah ha kylleng ka ri. Uba jop ïa kane ka jingïakhun un ïoh ban shna ïa ka album bad ka Zee Music Company bad ban ïatreilang ban pynmih ïa ki jingrwai ha Spotify. U Manav Mianwal, President jong ki Digital Platform ha Bajaj Finserv, u la ong ba kane ka rynsan ka pyni ïa ka jingkut jingmut jong ka kompany ban ri bad pynheh pynsan ïa ki jingthmu bad ban pynmih ïa ki nuksa ba bha. Ki dkhot jong ka Shankar-Ehsaan-Loy ki la pynpaw ïa ka jingkyllum bad ka jingjylliew jong ki sap ki phong kiba mih na kane ka rynsan.
Ka Bajaj Dhuniverse, kaba la pynmih ha u Naiwieng 2025, ka la buh ïalade kum ka rynsan kaba pdiang ïa baroh bad ka ban nang heh ka ban pynmih bad ban pynpaw ïa ki sap ki phong ha ka liang rwai bad ka put ka tem ha ka ri India
You may also like
-
Iohi ka Vi ia ka jingkiew ba khlain jong ka data ha Assam bad ka thain shatei lamihngi, nang pynheh ia ka network footprint ha kylleng ka thain
-
Rung ka Vi sha ka bynta kaba kiew bha ka jingiohnong kata sha ki kam pynmih drama lyngkot kaba nang kiew sted, bun thong ban plie ki lad ki kabu jong ka jingioh nong kaban poi shaduh ka $4.5 billion ha ki iew digital ha ka kam pynmih ia ki jingpynbyrngia
-
Ka Gokula Education Foundation (Medical) ka la plie sa ia ka RISM
-
Ki nong India ki phai sha Asia na ka bynta ki jingleit jnoh kai pyrthei jong ki mynta ka lyiur khamtam ha ka jingbun jong ki nongjngoh kai Gen Z: ki jingioh jingtip na ki Airbnb
-
Ka ioh ka kot ha ka liang ka sap ka phong digital ka la nang kiew lyngba ka jingpynmih jong ka Birla Studio bad ka Vodafone Idea ia ka rynsan ‘Reel Se Real Star’