Ai burom u Conrad ia u Sirdar Elaka Laitkroh ban ot robon ia ka ophis thymmai Khatarshnong Laitkroh Block

U Myntri Rangbah ka jylla u Conrad K Sangma hynne ka sngi ula leh ia kaei kaei ba phylla kaba kiba bun kim poi pyrkhat ha kaba ula ai lad ia u Sirdar jong ka Elaka Laitkroh u Bah Pailastar Kharkongor ban plie ia ka ophis treikam thymmai ka Khatarshnong Laitkroh C&RD Block. Ha kane ka jingplie ia ka ophis treikam jong ka Block la wan ban ia donlang ki MLA kiba kynthup ia u Bah Gavin Miguel Mylliem bad u Bah Matthew Beyond Kurbah, ki heh ophisar sorkar, ki nongialam shnong bad kiwei kiwei. “Ka jingplie ia ki jingtei jong ka sorkar da ki nongialam shnong kum u Sirdar ka pyni shai ia ka jingiohi jngai ka jong ngi ban wanrah ia ka jingsynshar kaba iajan bad ki paidbah bad ban pynneh ia ka jingsngew ia ka jingbyntalang ia ka jingkitkhlieh bad ia ka jinglongtrai” la ong u Myntri Rangbah haba kren ha ka jingialang.

Ula ong, ba ka sorkar ka iengskhem ha ka nongrim ban pyndon bynta lang ia ki nongialam shnong bad ia ki paidbah baroh ha ki jingshim ia ki sienjam kiba kongsan ha kaba iadei bad ka roi ka par. Ia kane ka jingtei ne building kaba thymmai jongka Block Integrated Development Complex kadei shi bynta jongka jingshimkhia ban kyntiew ia ki jingtei jong baroh ki 46 tylli kiba la don lypa bad 10 tylli ki C&RD Block kiba la dep thaw thymmai kiba don ha kylleng ka jylla Meghalaya. Kane ka jingtuklar ka long da ka jingthmu ban pynkylla ia ki jingtei kiba la rim bad kiba la jot sha ki jingtei kiba thymmai katkum kane ka juk bad kiba don ia ki jingdonkam kiba iadei bad ki nongshong shnong.

U Conrad ula ong, “Haba ki la shimti ia ka kam ha u snem 2018, kila shem ba kiba bun ki ophis jongki Block kila rim bad jot. Kumta kila shim ban iaid da ka mishon ban pynbha ia ki jingtei ha ki thain nongkyndong ha ki district baroh. Na ka jingmaramot ia ki Police Station bad Sub-Division Office sha ka jingbhah tyngka ban tei ia ki DC Office kiba thymmai, Staff Quarter bad Multi-Purpose Hall. Ngi dang trei ban tei ia ki paia kiba skhem na ka bynta ka jingai jingshakri ha ki shnong ki thaw”. U Myntri Rangbah ula ong, “Ngi kwah ba ki paidbah kim dei tang ban long ki nongpeitkai ia ka jingkiew ka roi ka par, hynrei ngi kwah ba kidei ban iadonbynta lang”.

Leave a Reply

Your email address will not be published. Required fields are marked *