U Myntri Rangbah ka Jylla Conrad K Sangma u la kubur ba ka jingkhang dam ia ki par dewiong bala shu ieh shrah ha Jylla ka dei ka jingeh kaba khraw bha iaki bor pyniaid synshar.
Haba kren shaki lad pathai khubor u Conrad u la ong “Ban khang dam ia ki 22,000 tylli ki par dewiong bala shu ieh shrah, ka dei ka jingeh kaba tasam bha ia kino kino ki bor synsha, ka lah ban shim ia ngi da ki snem ki snem ban khang dam tang ha kawei ka District”.
U Conrad u la kynthoh ia kane haba kren halor ka jingbthei bomb ha ka par tih dewong beain ha East Jaintia Hills, kaba la shim haduh 18 tylli ki mynsiem briew.
U la kular ban leh da kaba tyngeh pyrshah ia kiba don bynta bad ong “Ngin shim ia ka sienjam kaba tyngeh pyrshah ia kino kino kiba don bynta ha kane”.
U Myntri Rangbah ula kubur ruh ba ka jingtih dewiong beain ki dang bteng ban long ka jingeh kaba khraw wat hapdeng ki jingpyrshang ban pynshlur ia ka kam tih dewiong daka jingstad saian.
“Kum kine ki jingjia ki ju jia, haba…ka jingtih dewiong beain ka jia, ka bym dei satia ban jia bad kane ka jingbthei bomb ka jia, ka bym dei satia ban jia” ula ong.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda