Ki nongialam shnong ka Lummawbah, Upper Shillong ha ka sngi Saitjain ki la pynlong ia ka jingjurip na bynta ban buh kamera CCTV ha kylleng ki bynta ka shnong Lummawbah, Upper Shillong.Ïa kine ki kamera CCTV ba la ai da u Myntri Rangbah ka Jylla u Conrad K Sangma na ka projek ‘My City’ Beautification Drive bad ka Shillong Smart City project yn pyndait noh shen.
U Rangbah Shnong bad ki dkhot nongkitkam shnong ki la ïa leit jurip ïa ki jaka ba kham pdeng ban buh CCTV ryngkat bad ki briew ba dei khmih ia ka kam bad kane ka long shibynta ban kyntiew ïa ka jingshngaiñ bad ban tehlakam ia ki kam sniew.
U Secretary ka Shnong Lummawbah u Bah Arju Dkhar ula ong, ka thong ba kongsan ka long ban tehlakam ïa ki kam runar, khamtam ïa ki kam sniew pyrshah ïa ki kynthei bad ki khynnah ban pynbha ïa ka jingshngaiñ ki paidbah bad pynsuk ïa ka jingpynïaid kali bad ban ïarap ïa ki pulit ha ki jingtohkit.Kum ban shu kdew, katei ka skhim ka la treikam ha bun ki shnong ha sor Shillong bad kumba 48 tylli ki shnong ki la ïoh haduh kumba 250 ne 300 tylli ki CCTV kiba kynthup ïa ki kamera ba khlain bor ba lah ban ring dur wat ïa ki nombor jong ki kali.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla