Ki nongialam shnong ka Lummawbah, Upper Shillong ha ka sngi Saitjain ki la pynlong ia ka jingjurip na bynta ban buh kamera CCTV ha kylleng ki bynta ka shnong Lummawbah, Upper Shillong.Ïa kine ki kamera CCTV ba la ai da u Myntri Rangbah ka Jylla u Conrad K Sangma na ka projek ‘My City’ Beautification Drive bad ka Shillong Smart City project yn pyndait noh shen.
U Rangbah Shnong bad ki dkhot nongkitkam shnong ki la ïa leit jurip ïa ki jaka ba kham pdeng ban buh CCTV ryngkat bad ki briew ba dei khmih ia ka kam bad kane ka long shibynta ban kyntiew ïa ka jingshngaiñ bad ban tehlakam ia ki kam sniew.
U Secretary ka Shnong Lummawbah u Bah Arju Dkhar ula ong, ka thong ba kongsan ka long ban tehlakam ïa ki kam runar, khamtam ïa ki kam sniew pyrshah ïa ki kynthei bad ki khynnah ban pynbha ïa ka jingshngaiñ ki paidbah bad pynsuk ïa ka jingpynïaid kali bad ban ïarap ïa ki pulit ha ki jingtohkit.Kum ban shu kdew, katei ka skhim ka la treikam ha bun ki shnong ha sor Shillong bad kumba 48 tylli ki shnong ki la ïoh haduh kumba 250 ne 300 tylli ki CCTV kiba kynthup ïa ki kamera ba khlain bor ba lah ban ring dur wat ïa ki nombor jong ki kali.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone