Da ki rynsan pyniriam pynhap pyrda ka Blenders Pride Fashion Tour 2025 ha kylleng ka India

Ka lympung ia pyni riam ka Blenders Pride Fashion Tour 2025 ka la pynkut noh ia ka wat jong ka lympung pyni riam mynta ka kynti ha ka rukom kaba itynnad bha, kaba la buh ia ka thong kaba thymmai ha kaba iadei bad ka jingpyni ia ki riam ki beit ha kylleng ka Gurugram, Jaipur, bad Kolkata. Haba thaw ia ka rynsan ‘The One and Only’ kaba la buh ia ka thong sa kaei pat kaban wan ha ka lawei ban wan jong ka jingpyni ia ki riam ki beit, kane ka jingpynlong ia ka jingpyni riam ha kylleng ka don ia ki lai tylli ki phang kiba la nang kham pynjubor shuh shuh ia u pud halor ka jingiashem kaba iadei bad ka riam ka beit, ka jingrakhe bad ka jingpynwandur. Man la ki nongbah ki la sakhi kumno ka Blenders Pride Fashion Tour ka pynlong ba ki riam ki beit kin poi na kawei ka jaka sha kawei ka jaka—Ka Gurugram ka pynwandur ia ka riam ka beit ha kiei kiei ki jong ka lawei ne ka futureverse ha kaba ki kor ki bor teknology bad ka jingpynwandur ia ki jain ki nep ka iakynduh lang ha ka por kumba ka long, ka Jaipur ka la pyni ia ki riam ki beit ha ka rukom kaba iadei bad ka lynti kaba ki kali ki iaid sted da kaba don ia ki jingitynnad katkum ki kali ia pynmareh ne ki high-octane motorsport, bad ka Kolkata ka la tynjuh bor ia ka rukom riam kaba long katkum ki riti dustur, bad pynkylla dur ia ki sha kaei kaei kaba jong kane ka juk ba mynta. 

Kane ka jingiaid pyniriam na kawei ka jaka sha kawei ka jaka ka pynpher ia lade da kaba buh ia ka thong ba thymmai jong kaei kaei kaba ngam jylliew, ka riam ka beit kaba iahap bad ka jingsngew ha ki rukom bapher ne multi-sensory. Ka Gurugram ‘The Futureverse of Fashion’ da ki nongpynwandur riam ne ki designer kum ka Falguni bad U Shane Peacock ka pyniasoh lang ia ki riam ki beit bad ki robot ba kat u briew hi, ki holographic technology, bad ki motion-sensing projection, ha kaba la iashim bynta da U Shahid Kapoor bad ka Tamannaah Bhatia. Ka Jaipur ka la pyni ia ki riam ki beit ba la tip kum ka ‘High Octane Couture’ ha kaba ki designer kum ka Namrata Joshipura bad U Abhishek Patni ki la pynwandur bha ia ka jingitynnad jong ka jingiapynmareh kali ryngkat bad ka nongjop ia ka Miss Universe ka Harnaaz Sandhu bad u nongrwai rap ba paw u Raftaar, ha kaba la pynpura ia kane da ka jingsop da ka chrome ia ki kali supercar bad ka jingiaid haduh lai wat ia ka runway. Ka lympung phainal jong ka Kolkata ka la pyni ia ki riam ki beit halor ka phang ‘Future Is Crafted’ lyngba ki rukom pynwandur kiba biang bha ha kaba la nang pynbha shuh shuh ia ki jingtbit ha ki kam shna kti. Ia kane ka lympung la pynlong ha Howrah Bridge, AK | OK ka Anamika Khanna ka la pynwandur ia ki rukom shna jingshna da ki kti kiba katkum ki riti dustur sha ka rukom suh jain jong ka pateng ban wan, ha kaba la iashim bynta da u Ishaan Khatter kum u nongiaid pyniriam ba kyrpang, ia ka wah kaba la pynlong ba ka wah Hooghly kum ka rynsan pyniriam. 

Ka Debasree Dasgupta, CMO, Pernod Ricard India, ka ong, “Ka Blenders Pride Fashion Tour ba la kyrshan  da ka FDCI ka la long kum ka rynsan ba paw bha ha ka liang ki riam ki beit ha India. Ba la btin lynti da ka jingangnud jong ka ‘The One and Only’, ngi iai bteng ban buh ia ka thong ba thymmai ban saindur ia ka jingiaid lynti jong ka  jingpyni ia ki riam ki beit bad ka jingpynitynnad ryngkat ka jingiatreilang bad ki designer kiba tbit tam ha India. Da ka ‘Making Fashion Move’, ka Blenders Pride Fashion Tour ka pyntikna ia  la ka jong ka kamram kum ka bor ban pynwandur ia ka lawei jong ka riam ka beit—ha kaba la ioh ia ki buit, ka jingiatreilang, bad ka jingiashem kaba nang kham pynjanai ia kaei kaban wan hadien. Da kaba buh ia ka jingtbit, ka kolshor, bad ka buit thymmai hapdeng jong kiei kiei, kane ka brand ka iai bteng ban buh ia ka thong kumno ka riam ka beit ka kylla, ka khring bad ai mynsiem ia ka pateng ban wan.” U Sunil Sethi, Chairman, FDCI, u la ppynpaw,  “Ka FDCI ka sngew kmen ban ioh ban iatreilang bad ka Blenders Pride Fashion Tour, ha kaba la wanrah lang ia ar tylli ki iing kiba donbor jong ka riam ka beit, kaba nang kham pynkhlain shuh shuh ia ka jingtrei ba radbah ban saindur ia ka lawei. Kane ka wat ba mynta ka wanrah lang ia ki rukom pynwandur ia ki riam ki beit ha ki bynta bapher bapher kaba rakhe ia ka jingtbit, ka kolshor, bad kaba prat ia ka lynti na ka bynta ka lawei jong ka riam ka beit ha India.”