U Symbud Myntri Rangbah ka Jylla uba khmih ia ka PWD (Roads) u Bah Prestone Tynsong u la pynpaw ia ka jingskhem jingmut halor ka jingshna ia ka surok Shillong-Dawki bad ka ong ba ka jingshna ia ka surokbah 4-Lane ka dei kaba lah jan dep artad. Haba kren sha ki lad pathai khubor u Bah Prestone ula ong, “Wat ka four-lane nga tharai phi lah iohi, la kumno kumno ruh ngi lah don ha ka bynta ba khatduh ban shna pyndep”.
Ia kane ka project la phiah ha ki 5 tylli ki Package, ia kaba la sakhi ia ka jingiaid shakhmat jong ki kam ki jam, ha kaba ka Package II, IV bad V ka la jam shakhmat bad ka long ha ka rukom kaba hun. Ia ka Pynursla Bypass la khmih lynti ban ioh pdiang noh shen na ka NHIDCL ia ka tarik ban sdang noh ia ka kam. “Hapoh kine ki khyndiat taiew nangne shakhmat, ka NHIDCL kan sa pynmih ia ka tarik ia ka kompani ba kan sdang noh ia ka jingtrei” u la ong.
U Bah Prestone ula pynshai bniah halor kane ka projek, kaba kynthup ia ka Package I kaba la pyniar shaduh mar pyrshah ia ka Pomlum PHC, ka Package II haduh ka Laitlyngkot bad ka Package IV ka ban sdang na Pynursla.
You may also like
-
Ka New Shillong Township kan long kum ka enjin pynroi bad kan ai kam palat lak ki samla : Conrad
-
Ka PHE kam ioh jaka ban sam um ha Mowkaiaw
-
Ka Jylla ka don 38 ki skul EMRS ban ai jinghikai katkum ka Course CBSE
-
Wanrah u CM ia ka kaiphot bthei bom Thangsko
-
Ka Meghalaya ka la thung 130 ki mawpud ban pyntreikam ia ka MoU pynbeit pud bad Assam: Lat