Her Delhi biang ka GSMC ban dawa Jylla la ka jong

Ka Garoland State Movement Committee (GSMC), Tura hynne ka sngi la ïakynduh ïa u President ka Tribal Mocha of India BJP u Samir Oruon ha Nongbah Delhi ban iakren halor ki jingeh bad ki jingdawa bapher bapher jong ka jaidbynriew riewlum Garo. Ha ka jingialang bad u President ka Tribal Mocha of India BJP u Samir Oruonen, ka GSMC ka la rah ia ka mat jingdawa jong ki jaidbynriew Garo, kata ban ioh Jylla laka jong. Ka GSMC ka la pynpaw ruh ia ki jingeh kiba ki jaidbynriew Garo ki iakynduh bad ka jingdonkam ban thaw ia ka Jylla kaba kyrpang na ka bynta ka jingshngain jong ki ha ka sain pyrthei, ka kolshor, bad ka ioh ka kot.

Nalor kata, ka GSMC ka la aiti ïa ka jingthoh jingkynmaw ha kaba ïadei bad ka jingdawa ïa ka Garo Autonomous Council (GAC). Ki nongialam jong ka GSMC ki la ban jur ba khlem da pynbeit ia kine ki jingeh ha ka sain pyrthei, ka kolshor, bad ka ioh ka kot jong ki Garo, kan ym long kaba lah ban pynthikna ia ka jingroi bad jingshngain kaba pura jong ki.

Ki dkhot jong ka GSMC kiba kynduh ia u President ka Tribal Mocha of India BJP u Samir Oruon ha Nongbah Delhi ki kynthup u Acting Chairman u Balkarin Ch. Marak, u Assistant General Secretary Tony Balsam Ch. Marak, u Publicity Secretary u Chevi K. Marak, u Organising Secretary u Jason Tekrang M. Sangma bad u Organizing Secretary u Amrish Marak nalor kiwei kiwei ki paralok na Delhi.