Iarap ki khynnah NSS ka Khadsawphra ia ka skul Phodtor

Ki samla pule jong ka Khadsawphra College NSS Unit hapoh ka jingialam u babu Boldness Principal bad I kong Lasiewdor Programme officer jong katei ka College ki la hiar sha Phodtor ka shnong kaba don kumba 12 km na Mairang mynta ka sngi 4 tarik ban iarap mon sngewbha ia ka L.P. School ha kaba pynitynnad da kaba  pynkhuid ia ki sawdong sawkun bad ai rong pynitynnad ia ka skul. Ha kane ka sngi ki samla NSS ki la iarap ruh ia kane ka skul da ki Furniture kita kynthup ia ki ben, ki desk bad duli buh kot. Kumjuh ruh la ioh ban tiar stationery sha baroh ki khynnah pule naduh class A haduh Class 5.

Ha shuwa ban sam ia kitei kitiar la don ka jingkren lyngkot na ka liang u babu Boldness bad I kong Lasiew ban batai shaphang ka outreach programme jong ka NSS kaba ki ju iarap ia ki skul, ki shnong manla ka snem bad kaei ka jingthmu jong kane ka programme. Nalor katei ka jingbatai u babu Boldness u la pynshlur ia ki khynnahrit jong kane ka skul kumno ba kin leh khnang ba kin poi sha ka nam lashai la shisngi . Kumjuh u la ai mynsiem ia ki nonghikai kiba la shu hikai ei mynta la 18 snem khlem da don mano mano ban iarap ia ki khamtam ki bor sorkar kiba la shu iehbeiň ia kane ka skul khlem da peitlem iaki laitnoh tang ka Opening Permission kaba ki la ioh pdiang na ka office u SDSEO Mairang.

Kiwei pat kiba la kren ha katei ka sngi ki long u ba B.D. Lawriniang Secretary ka skul , u bah S.T. Nongrang rangbah shnong bad i kong S. Lawriniang iba dei ki Head Teacher jong katei ka skul. La pynshit pynshngain ia kane ka programme da ki jingrwai bad jinglehkai ki khynnahrit jong kane ka skul.