Kum shibynta ban kynmaw burom ia ka lyngkhuh sngi iap ba shiphew u P. A. Sangma hynne ka sngi la plie ia ka PA Sangma Museum ha P.A. Sangma Stadium ha Tura.
Ia kane ka jingkynmaw burom la pynlong da ka P. A. Sangma Foundation bad la plie paidbah ia ka P.A. Sangma Museum ban pyni shaphang ka jingim bad ia ki kam ba u la leh kum u Speaker barim ka Lok Sabha bad u nongialam ba radbah ka jylla Meghalaya.
Ha kane ka sngi la shim bynta u Lamphang ka iingdorbar thawain ka Jylla u Thomas A. Sangma, ka MP barim ka Agatha K. Sangma ba long ruh ka khun kynthei jong u PA Sangma ryngkat bad kiba haiing ba hasem bad ki paitbah.
Ha ka Museum la buh ia ki jingthoh, ki dur bad ki jingtrei u PA Sangma u nongialam na ka jinglong ba rit haduh ban kynjoh kum u nongialam ha ka ri bad la buh ruh ia ki dur naduh u dang leit skul khang nongwankai kin tip ia ka jingiaid lynti une u nongialam uba la khlad noh bad la buh ruh ia u mot sahnam jong u P.A. Sangma bad kumjuh ia ka shuki ba u sngewtynnad tam ban shong.
Kane ka jingrakhe kynmaw burom ka long kum ka jingai khublei ia ka jingnoh synniang kum u nongialam ka jylla bad ka ri.
You may also like
-
Ka VPP ka iada jinglong kyrpang ka jaidbynriew
-
Sdang ka Ri-Bhoi District Level Youth Parliament ba ar sngi
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit