Ki pulit ka Anti Narcotics Task Force (ANTF) hynne ka sngi hadien ba ki la ioh bat ia uwei u snar nongkhaii Drok ha Lum Survey, ki la pyllong ia ka jingkhynra naphang ia ka iing sah jong utei u briew. Ha kane ka jingkhynra ha iing sah jong u, ki pulit ki la ioh ban kurup haduh 25.45 gram u drok uba shongdor palat lak tyngka ba la buh rieh ha khrum jingthiah ba la tap da ka lyntang.
Ia une u briew, ki pulit ki la pynngat ia u ha ka kyndon jong ka ain NDPS Act bad ka jingtohkit halor kane ka dang iaid shakhmat ban lap sa ia kiwei kiba donkti ha kane ka kam beain.
Ha kane ka jingkhynra drok, ki pulit ka ANTF ki la iatreilang ryngkat ki pulit ka Cantonment beat House, ki briew kiba sah Markhap katei ka jaka kiba long kum ki nongsakhi ha ka jingwan kynra nongkhaii drok.
You may also like
-
Mynjur ka VPP ia u Dr. Batskhem kum u kyrtong ilekshon MP shiteng samoi
-
Ban iada ia ki trai muluk Meghalaya
-
Mynsaw u Nongniah kali ba twa khyndew ha surok Shillong-Dawki
-
Dawa ki Synjuk Ki Trai bad Nongniah ban kem ia u briew ba shoh ia nongniah Sumo
-
Pyrshah ki MDC liang iatei ban thung ‘Standing Counsel’ da u bar jylla ha KHADC