Ki pulit ka Anti Narcotics Task Force (ANTF) hynne ka sngi hadien ba ki la ioh bat ia uwei u snar nongkhaii Drok ha Lum Survey, ki la pyllong ia ka jingkhynra naphang ia ka iing sah jong utei u briew. Ha kane ka jingkhynra ha iing sah jong u, ki pulit ki la ioh ban kurup haduh 25.45 gram u drok uba shongdor palat lak tyngka ba la buh rieh ha khrum jingthiah ba la tap da ka lyntang.
Ia une u briew, ki pulit ki la pynngat ia u ha ka kyndon jong ka ain NDPS Act bad ka jingtohkit halor kane ka dang iaid shakhmat ban lap sa ia kiwei kiba donkti ha kane ka kam beain.
Ha kane ka jingkhynra drok, ki pulit ka ANTF ki la iatreilang ryngkat ki pulit ka Cantonment beat House, ki briew kiba sah Markhap katei ka jaka kiba long kum ki nongsakhi ha ka jingwan kynra nongkhaii drok.
You may also like
-
Ka VPP ka iada jinglong kyrpang ka jaidbynriew
-
Sdang ka Ri-Bhoi District Level Youth Parliament ba ar sngi
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit