Ka jingtei ia ka Taj Umiam Resort kan ym ktah pung Uniam bad ka mariang

Ka Tnad Jngohkai ka la pynshai ba ki khubor ba la saphriang ha ki rynsan Social Media ba kam ba la tyrwa ban tei ia ka Taj Umiam Resort & Spa kan buh jingma ia ka pung Umiam bad ia ka dewlynnong Lumpondeng ka dei ka jingialam bakla.

U Commissioner & Secretary ka Tnad Tourism ka Sorkar Jylla ha ka kyrwoh ula pyntip ia kane ka project yn tei ha ka jaka ba 66 akar kynthup ia ka 36.10 akar ha Lumpondeng bad 29.64 akar ha ka Orchid Lake Resort ba don mynta. Kane ka jingtei ka dei ba la bud ryntih katkum ka plan ban kyntiew ia ka kam jngohkai ha jylla ka bym ktah ia ka mariang.

Ka Umiam Hotels Pvt Ltd, ka Special Purpose Vehicle (SPV) ba la thung na ka bynta kane ka projek, ka la ioh ia ka Consent to Establish (CTE) bad la iasoi ia ka Memorandum of Understanding (MoU) bad Indian Hotels Company Limited (IHCL) ban pyntreikam bad sumar ia ki jingdon jingem jong ka Taj Umiam Resort & Spa.

Ka Tnad Jngohkai ka la pynpaw ba baroh ki jingtei dei ban iaid thik katkum ka nongrim treikam jong ka IHCL, kaba la bthah ba dei ban bud ryntih ia ki jingbthah, jingpynwan dur, jingshngain bad ka jinglong jingman kaba neh slem. Ka IHCL kala dep ban pyni ia ka jingiengskhem ban pynneh pynsah bad ban don ia ka kam jngohkai kaba don ia ka jingkitkhlieh ha ka jingdon jingem ka jongka kiba iadei bad ka mariang, kolshor bad ki jaka kiba don iaka histori bad kumjuh ha ki jaka kiba kongsan ha ki nongbah.

Ha u snem 2008 ka IHCL kala pyniasoh bad ioh ia ka jingithuh na ka Earth Check Certified Program kaba iengskhem ha ka nongrim ia ka rukom treikam kaba don ia ka jingkitkhlieh bad ka jingialap ban iada ia ka mariang. Hapoh u 2020, ka IHCL kala tei 70 tylli ki Hotel bad kala leh bad pynwandur ia ki jingtei ha kaban pynneh pynsah, ki sienjam kiba phaikhmat ha kaban pyndonkam duna bhai a ki jingdon jingem, ban pynneh pynsah ia ka mariang bad ban pyniadei bad pyniajan bad ka imlang sahlang.

Kawei na ki nuksa jong ka Taj Madikeri Resort & Spa, Coorg, kaba la tei hapoh jong ka 180 akar kaba rben khlaw hynrei ka la pyndonkam tang khyndiat eh ka jaka, kam shim la don kano kano ka jingpynkhyllem ia ki dieng bad la ioh ia ka jingithuh kum ka nuksa ban pyndonkam duna eh ia ka jaka ban tei ia ka resort kaba neh basah. Kane ka rukom treikam ka jongka, kan long ruh ka jingbtin lynti ha kaban pyntrei ia kane ka projek ha Umiam.

U Commissioner & Secretary ka Tnad Tourism ula ong ba ka Taj Umiam Resort and Spa project ka hap ban bud rytnih ia ki kyndon jingbthah jongka Forest (Conservation) Amendment Act, 2023, ka Waterbodies (Preservation and Conservation) Guidelines, 2023 bad ia baroh ki kyndon kiba la pynmih da ka Meghalaya State Pollution Control Board bad kiwei kiwie ki bor kiba dei khmih.