Ka Tamsa bam Niangphlang ha Umsawmat

Ka Synjuk ki Hima Arliang wah Umiam Mawphlang Welfare Society ha kane ka sngi Saitjain ka la pynlong ia ka tamasa Bam ñiangphlang, 2024 ha Umsawmat. Ha kane ka tamasa kaba shisien shisnem, ki paidbah na kylleng ki thain jong ki jaka bapher bapher ki la wan sakhi ia ka jingiabam khniang phlang. Une u khniang phlang   udei u khniang ba ju kham mih ha u bnai Risaw bad u don haduh ba kut jong u Bnai Nohprah. Katkum ka jingiathuh ki paidbah ia une u khniang ki leit wad na ki lum na ki jaka phlang namar ynda la sep ka sngi u ju shong ha ki phlang bad ha ka por mynsngi u ju rieh ha thliew ka khyndew.

Ia une u khniang phlang hadien ba ki paidbah ki la lum thup ki ju khat ia u Shyiap bad ki kynruh ha ka khoh khnang ban hap ki treng na une u khñiang.” Ngi kynruh ia une u khniang hu Shyiap bad ngin sa sait sa shet. Ia une u khniang don kiba ju shet syrwa bad don kiba ju sdieh tang da u piat rynsun, ja ut, sohmrit bad sohmynken,” la iathuh ki kong ba die ia une u khniang phlang. Ki paidbah ki la iathuh ba lada bam ia une u khñiang phlang, kan iarap ban pynlait na ki jingpang namar udei u khniang ba khuid uba ju bam tang ia u phlang.

Une u khniang u ju rieh bad ksam noh sha khyndew bad u kylla sha u ñianglong bad un sa wankha biang ha ki bnai Nailur. Haba nujor ka jingiapher halor ka bam ñiang phlang ha Sohra bad ha Umsawmat, ki la iathuh ba u phlang sha Sohra u jur u phlang pied  bad don hi ka jingsma hynrei u ñiang phlang ha Umsawmat u pher namar ba ki ioh na u phlang eh bad ym don jingsma.