Ka IIM Shillong kala iasoi ia ka Memorandum of Understanding (MoU) bad ka Burgundy School of Business, France da ka jingthmu ban iasam mar kylliang ia ka jingnang jingstad bad iaka kolshor hapdeng kine ki ar tylli ki jaka pule. Kane ka jingiasoi iaka MoU kadei ka sien kaba 26 ia ka IIM ba kan iasoi ia ka soskular bad ki jaka pule kiba nabar ka ri da ka jingthmu ban kyntiew ia ka jingiatreilang bad ban ia sam lang ia ka jingnang jingstad bad ia ka kolshor hapdeng kine ki ar tylli ki jaka pule bad kaban plie lad ban leh ia kiba bun ki kam ki jam.
Katkum ki kyndon jong ka jingiatehkular baroh ar tylli ki jaka pule kin iadonbynta ha kiba bun ki bynta kaban plie lad ia ki samla pule ban ioh ia ka lad ban leit pule shabar ka ri bad ban ioh ia ki artylli ki Degree pule bad kiwei kiwei ki prokram bad kan don ruh ka jingiatreilang ha ka jingwad bniah kaban long ka lad iasam jingtip hapdeng kine ki jaka pule, ki nonghikai bad ki samla pule lyngba ki prokram bapher.
Ka IIM Shillong ka don ruh ia ka thong ban bteng ia kane ka mishon ban kylla long kum ka jaka pule kaba ioh jingithuh ha kylleng ki ri hynrei kaban don pat ia ka tynrai jong ka ri India.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC