U nongialam ka National Peoples Party (NPP) u James PK. Sangma, ula pynpaw ba u long uba kloi ban mihkhmat ia ka jylla Meghalaya ha Rajya Sabha, lada ka party ka jied ia u.Kum ban shu pynkynmaw ba ka por treikam jong u Dr. Wanwei Roy Kharlukhi u MP ka Rajya Sabha kan kut ha ka 21 tarik Jylliew,2026 ha kaba na ka liang jong u Dr. Kharlukhi ula pynpaw ba un shongthait noh na ka kam sain pyrthei bad ban ailad ia kiwei nongialam kiba dang samla ban mih shakhmat.
Katkum ki khubor wer wer, la ong ba u James Sangma ne ka Agatha K. Sangma, iwei napdeng kine, yn lah ban pyrkhat na bynta ban mihkhmat ia ka jylla sha Rajya Sabha.Haba iadei bad ka ilekshon MP shiteng samoi sha Lok Sabha, u James Sangma ula ong ba ka party kam pat shym la iakren eiei bad kam pat shym la rai na bynta kane ka ilekshon MP sha Lok Sabha na Shillong Parliamentary, hadien ka jingkhlad kynsan jong u Dr.Ricky Andrew J. Syngkon.
Halor ka ilekshon GHADC, u James Sangma ula pynpaw ka jingsngew skhem ba ka NPP kaba ialam ia ka sorkar synrop kan jop bun bad kan ioh bat biang ia ka bor synshar ha Garo Hills Autonomous District Council.Ka ilekshon sha GHADC kan long ha ka 10 tarik Iaiong, 2026.
You may also like
-
Suba ka HYC ba don ki DALAI ba bei pisa ia ki nongkhaii drok
-
Kyntait u Bah Paul halor ka jingdawa bujli President UDP
-
Iathir ka CPGSAS ban kyntiew ia ki nongrep da ki kor ki bor ka juk stad mynta
-
Noh synniang u Bah Kordor bad ka ïing da ka jaka ban tei ïing Shnong ha Lawjynriew
-
La wanrah ia ki snar khaii drok ba ioh kem na Jaintia sha Sadar PS