Ka Voice of the People Party (VPP) ka la pynpaw ka jingkyrmen ba ka seng ka lah ban jop biang ia ka shuki MP na Shillong Parliamentary Konstiwensi, hadien ka jingkhlad noh u Dr. Ricky AJ Syngkon. U Nongaiktien ka VPP u bah AW. Rani ula pynpaw ba ha kane ka kynti ba mynta, ki paidbah ka ri Khasi-Jaintia kin ai biang ka jingkyrshan biang sa shisien ha kane ka ilekshon MP shiteng samoi kaban sa 10 tarik Iaiong.
“Ngi kyrmen skhem ba ha kane ka ilekshon ba mynta, yn ioh biang ia kane ka shuki lyngba ka bor u paidbah kumba kila ai ia Dr. Ricky AJ Syngkon uba la khlad syndet noh dang shen,” ong u Dr. Rani. U Dr. Rani u la ong ba kane ka ilekshon kan dei ka jingai burom ia u Dr. Ricky bam kwai ha dwar u Blei bad ban pynskhem ia ka jingshaniah u paidbah ia ka party bad kawei pat ban ai ia ka bor ha u briew uba ka party ka la bynshet ban kit ia kane ka lyngkor kaba khia.
“Ka VPP ka donkam ka jingialam u Blei bad u paidbah namar ba kane ka shuki MP kaba dang thylli, ka don ka jingthylli ban pyndap ia ka,” ong u nongaiktien ka VPP. Ka VPP ka la tyrwa ia ka kyrteng u Dr. Batskhem Myrboh ban long u kyrtong MP ha kane ka elekshon shiteng samoi kaban sa long shen.
You may also like
-
Nga shah ai ‘Yellow Card’ ha ka congress ba leit kynduh ia u Purno, ong u Prestone
-
Pyndam ka KSU ia ka jingthoh ‘KHALERIAT’
-
U ba mih bujli ia u Dr. Ricky Syngkon un pynurlong ia ki kular ka Party
-
Ujor ka SKRS sha u DC ba trei torti ia ka surok Umden sha Byrnihat
-
Rah I heprit Shelevah ïa ka Sur Kynud Season 4, khung 1 lak tyngka