Mynta u bnai yn pyndep ia ka ‘Charge-Sheet’ pyrshah ia ka Sonam bad 4 ngut

U Superintendent of Police (SP) ka East Khasi Hills u Bah Vivek Syiem, hynne ka sngi ula iathuh ki pulit ki dang pynkhreh ban Charge-Sheet ba-ar halor ka jingshah pyniap (L) Raja Raghuvanshi. Haba kren sha ki lad pathai khubor u Bah Vivek ula ïathuh ka jingpynkhreh ia ka Charge-Sheet ka la iaid shakhmat bad la khmih lynti ban sa aiti noh sha Iingkashari ha ka taiew ba lai jong u Naiwieng, 2025. U Bah Vivek ula pyntip ki pulit ki dang ap ia ka kaiphod jong ka Forensic na ka CFSL Hyderabad.

“Ka jingpynkhreh ia ka Charge-Sheet ba ar ka la iaid shakhmat. Shisien ba ngi la ioh ia ka kaiphod Forensic na ka CFSL, Hyderabad, ngin sa lah ban aiti noh ia ka Charge-sheet. Ka jingioh por jong ngi ka long ban aiti ha ka taiew banyngkong u Nohprah hynrei hapoh ka taiew ba lai u Naiwieng, ngi dei ban aiti noh ia ka Charge-Sheet” la ong u Bah Vivek.

Haba kylli halor ka jingpyrshang pan jamin ki nong shah kynnoh, u SP u la ong “Ngi la tei ia ka Case ba khlain bha bad ka SIT ka la pynkhreh ia ka Charge-Sheet kaba khlain bha”. U SP ula ong ba ka rai ai bah jamin kan shong eh ha ka Iingkashari bad bynrap ki pulit ki la lum la biang bha ia ki sakhi ban kyrshan ia ki jingkynnoh baroh. Ki nongshah kynnoh ki kynthup ka kurim u Raja, ka Sonam Raghuvanshi bad saw ngut kiwei pat, ki dang don mynta ha ka along.