U Myntri Rangbah ka jylla hynne ka sngi ha ka jingleit jngoh ia ka shnong Umladhur kaba hap hapoh Amlarem, Sub Division, West Jaintia Hills, ula leit ban jurip ia ka jingpyntrei ia ka skul Eklavya Model Residential School (EMRS) kaba la iaid mynta ka jingtei sha ka 70 percent.
Ia kane ka projek la bei tyngka da ka National Education Society for Tribal Students (NESTS) hapoh ka tnad Ministry of Tribal Affairs, ka sorkar pdeng ha ka jinglut kaba T.45 klur bad kaba la pyntreikam da ka WAPCOS Ltd, New Delhi. Ha kane ka jingleit jngoh, la synran lang da u Myntri ka tnad pule puthi u bah Lahkmen Rymbui, ryngkat kiwei ki heh sorkar na ka tnad bapher bapher.
Ha ka jingjurip, u Myntri Rangbah ula ong ba ynda ladep ka jingpyntrei, kane ka skul kan sa kiew bad kan plielad ia ki khynnah ka thain ban ioh ia ka jingpule kaba paka ha kane ka shnong. U la bthah ruh ia ki kontraktor bad ki heh jong ka tnad ba kin pynsted ia ki kam ba dang sahteng khnang ba kane ka skul kan lah ban treikam noh ha u snem 2026, bad khnang ba ki khynnah kin ioh ban sdang ban ioh ia ka jingpule ha ka por kaba biang.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah