U MLA barim Ka Mawkynrew konstiwensi u Bah Remington Pyngrope ha ka rynsan jingialang ba la pynlong da ka Dorbar shnong Lynshinng, ula kyntu ia ki paidbah ba kin ai jinngkyrshan ia u kyrtong ka UDP u bah Kansing Lyngshiang ha kane ka ilekshon MDC sha ka KHADC. Haba kren paidbah ha kane ka sngi, u bah Remington ula ther ia u bah Ardent Basaiawmoit u nongialam ka Voice of the People Party (VPP) uba la niew bein ia ki paidbah ka Mawkynrew.
“U bah Ardent mynshwa u niew bein ia ki paidbah ka Mawkynrew hynrei mynta u wan ban khroh vote na bynta ki kyrtong ka party jong u ka VPP,” la kynthoh u bah Remington. U bah Remington ula ong ba ka jingleit rung jong u ha ka party NPP mynshwa ka dei namar ka jingbym burom jong u bah Ardent ia u kum u MLA mynshwa. Ha kajuh ka por ula kynthah ruh ia u MLA ka Mawkynrew u Bah Banteidor Lyngdoh uba la kyntait ia ka pisa T.5 ne T.10 klur ba tyrwa ka NPP ha por ba u dang don ha ka seng PDF, hynrei phewse ula shah thied ha kata ka T.5 klur kaba u kyntait.
“Ai ba u bah Banteidor (Bah Pai) un trei ia ka 3 snem kaba dang sah bad pynjop donburom ia u bah Bahduh Kansing na ka party UDP ha ka MDC,” ula ong. Ula ong ba lada donbok ban ioh ia u CEM ba biang ha District Council, ki MDC da ka klur kin ioh skhim.
You may also like
-
Ai nam u Kitkupar Nongsiej ïa ki takma ba khur na WCOPA ia ka India
-
Ka long kum ka jaka set mrad Kyntait ki nongdie madan ban kynriah ha Brightwell Bungalow
-
Thombor ki Garo ia ka jaka rep ka Kong Phikir Khongwir ha Jalithem
-
T.175.45 klur ka tnad DoNER ban kyntiew kam rep shynrai Lakadong
-
akynduh ka CCIB ia u DIG ka BSF halor ka ker sainar shiah