Ka Tnat Pule Puthi ka jylla ka la pynkhreh ban thungkam ia 500 ngut ki nonghikai ha ki skul Lower Primary bad Upper Primary ka Sorkar ha ka jylla. Ia kane la pyntip da u Director ka DSEL u Swapnil Tembe ha ka sngi Thohdieng. “Kaba ngi sngewkhia mynta, ka dei halor ka jinglait ki kam nonghikai kumba 500 tylli ha ki skul LP bad UP ha ka jylla” ong u Tembe.
U la bynrap ha u snem ba la dep, ka tnad pule puthi ka la thungkam kumba 1000 ngut ki nonghikai ha ki skul LP.“Mynta ngi lah pynkhreh ia ka Roster bad hadien ba ngi lah ioh jingmynjur ia ka jingpynbna laitkam ne Advertisement na ka sorkar jylla, ngin sa sdang noh ia ka jingpynrung kam nonghikai. Ngin pyrshang ban pyndep kloi katba lah ia kane ka kam” ula ong.
You may also like
-
Kiew 7,500 ki Case shah dait ksew East Khasi Hills
-
Ka Cherry Blossom Festival New Shillong, ka tiket T.2,500 ba duna eh
-
Ka khubor thok ba leit iasoh BJP ki MLA UDP: Olan Sing
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet