Plie u Bah Lambor ia ka ophis ka seng Longkmie Umphrup

Ka Seng Longkmie ka Shnong Umphrup Pdeng ka la pynpaw ka jingsngewnguh ïa u Bah Lambor Malniang, MLA bad MDC barim ka Nongkrem Constituency halor ka jingpynioh ïa ka Scheme ban shna ka ophis treikam ka seng.Ka Seng Longkmie Pdeng Shnong Umphrup ka pynpaw ka jingsngewnguh hadien ba u Bah Lambor Malniang ula plie paidbah ïa ka ophis treikam ka Seng Longkmie ha ka jingdonlang ki longkmie na shnong Umphrup, Pdeng Shnong bad ki nongkitkam ka shnong Umphrup Pyllun.U Bah Lambor ula pynioh ia katei ka skhim lyngba ka Chief Minister Social Development Fund (CMSDF) ha ka mang tyngka T.20,3000 lak u snem 2024-2025.

U Rangbah Shnong ka Shnong Umphrup Pyllun u Bah Wanshon Nongspung ula pynpaw ia ka jingkmen ba la plie ia kane ka ophis treikam jong ki Seng Longkmie bad ula kyntu ïa ki longkmie ba kin peit lang ïa ka jingeh ba lah ban mih na ki jingdih ba sniew kum na u drok bad ka kyiad kaba la kynrei ha kiba bun ki jaka. Katba u Bah Lambor ula ai khublei kyrpang ïa u Myntri Rangbah ka Jylla u Conrad K Sangma uba la kloi ban ai mardor ïa ka skhim hadien ka jingkyrpad khamtam ban pynkhlain ia ka jingshakri ka Seng Longkmie.

U la ong, ba wat la ym dei shuh u nongmihkhmat ba don atiar hynrei u don pat ia ka mynsiem bad ka jingïeid ban shakri ia ka shnong bad ki paitbah ka Nongkrem Constituency.Ula pynpaw ia ka jingkmen ba ula ioh ban plie ïa kane ka ophis treikam bad kyrman ba kane ka ophis kan treikam ban shakri ia ka shnong baroh kawei.