U Fr Anugrah Kerketta u ba peit ia ka RRTC Umran Niangbyrnai hynne ka sngi ioh ban kyrkhu lane ban pynkyntang ia ka KRIPA Victoria Gardens of Remembrance kaba don ha Ri-bhoi District.
Ka KRIPA Victoria Gardens of Remembrance ka dei ka jaka ba ka Foundation ka thied kyrpang na ka bynta ban pynlong lum jingtep tang ia ki riew tymmen ki ba sah hapoh ka KRIPA Victoria Foundation.
Naka liang ka trai jong ka KRIPA Victoria Gardens of Remembrance, ka Kong Victoria Wallang ka la ong ba ha ka Foundation, ki don ki riew tymmen kiba na bar ka Jylla kumjuh ba na bar jong ka ri India kiba wan sah ha kane ka jaka riewtymmen.
Ka Kong Victoria kala ïathuh ba don ki riew tymmen kiba sah hapoh ka KRIPA Victoria Gardens of Remembrance kim don khun ne ki baha ing ha sem ban wan ba shimti haba ki la khlad bad ha kum kita ki khep yn sa pyndonkam ia une u lum jingtep.
Kum ban shu kdew ba la plie ia ka Kripa Victoria Foundation ha u snem 2022 da ka jingthmu ban ai ka jingshakri ia ki riew tymmen kiba ymdon shuh ki nongri nonglum.
Haduh mynta ka don 17 ngut ki riewtymmen ki ba sah ha kane ka jaka ri tymmen kaba don ha Nongsder Ri-bhoi District.
You may also like
-
Mad jingeh kiba leit shah sumar ha CHC Umsning ba duna Doctor
-
Lah ban ktah ka jingdon um bad ka rep ba duna ka jinghap slap ha Meghalaya
-
Pynlong ka Synjuk ki Rangbah Kur ka Bri u Hynniewtrep da ka Movement ban khanglad tuh jait ki bar jylla bad ai jaid kpa
-
Ka jingkynnoh ia ka Meghalaya ka daw ka jingshlei um ha Assam kam don nongrim: Prestone
-
Iaid beit ka ‘Public Hearing’ ka Shree Cement, siat ‘Tear Gas’ ki pulit ia ki paidbah, julor ki kali kynthup ka Ambulance ba shah kawang maw