Kum shibynta ban ai mynsiem bad ban pynshlur ia ki khun samla ka dong bad ka Thaiñ Western Ri Bhoi, Na ka liang Ka NPP Jirang Block Committee ha ryngkat ka jingiasnohkti lang u MLA ka Thaiñ u Bah Sosthenes Sohtun uba long ruh u Myntri ka sorkar jylla ki la pynkup burom ïa ki khun samla pule ka thaiñ Western Ri Bhoi kiba la pas bha bad wan shakhmat ha ka examin SSLC jong u snem 2025.
Nalor kitei ki jingpynkup burom, ki la ioh ruh ban ai khusnam kyrpang ia ka samla Safilia Wahlang ba wan balai napdeng ki top 10 ha ka Arts Stream bad ïa ka samla Ribansi Jamu na Jirang kaba la ioh ban mih khmat ia ka Ri India ha ka Jingialehkai Football bad sha u bah Esman Lyngdoh uba la shakri ïa ka Shnong Umkynsier kum u Sordar haduh 25 tylli ki snem.
Ha katei ka sngi pyndon burom ïa ki samla pule ka thaiñ Western Ri Bhoi la wan ban ia sakhi lang ka Kong A Mawa, Principal Patharkhmah Model Degree College, SK Tiwari, Principal Jirang Government Higher Secondary School, Bah Balawan Syiemïong, Secretary NPP Jirang Block, Samla Alfred Doloi Dkhot ka Felicitation Committee, bah Petalman Thangkhiew, Sordar Shnong Patharkhmah lem bad ki kmie ki kpa jong ki samla Pule.
You may also like
-
Ka Assam Rifles ka wanrah ia ki tiar iakhun katkum ka juk mynta
-
Tang hadien 2 bnai mih thliew ka surokbah, 20 sngi ai por ka JSU ban maramot
-
Mynjur u Lat I’a Amendment Rule GHADC, ki bym dei riewlum kim ioh iakhun ilekshon MDC
-
Iakynduh ki Sengbhalang na Garo ia u Lat, kyntu pynkylla kyndon ilekshon ki kyrtong bad nongthep vote ki dei ban don ST
-
10 sngi ai por ban jurip ka tnad Tnat Urban bad DS Laitumkhrah