Plie ka NEIGRIHMS ia ka Pharmacy ban pynsuk ia ki nongpang ba wan shah sumar

Kum shibynta ban pynbiang ïa ki lad ki lynti ïa ki nongpang, ka NEIGRIHMS ka la plie ïa ka Pharmacy ha Hospital ha ka 15 tarik u Nailur 2025. Kane ka Pharmacy ka don ha ka mala ba shapoh jong ka OPD block kan  ïarap ïa ki nongpang kiba wan shah sumar ha NEIGRIHMS ban ïoh ïa ki dawai bapher  ha ka dor ba duna. Haba kren u Director ka NEIGRIHMS, u Prof. (Dr.) Nalin Mehta ula ong, ba jingplie ia ka pharmacy ka long u mawjam ka jingshim khia jong ngi ban ai ia ka jingshakri ha ka koit ka khiah bad ban suk pynsuk ia ki nongpang ba kin ioh dawai ha ka por kaba biang. Nalor ki dawai ba man ka sngi, ki jingpyrshang ki dang

iaid shakhmat ban pynthikna ia ka jingdon jong ki tiar bapher bapher kiba rem dor ha ka pharmacy jong ka NEIGRIHMS. Ka pharmacy kan iarap ruh ban pyntreikam ia ka jingsumar khlem donkam pisa hapoh ka skhim PM-JAY & amp; Megha Health Insurance Scheme bad kiwei ki skhim ai jingsumar ba treikam ha NEIGRIHMS. U Prof. Nalin Mehta u la ai khublei ïa ka ophis jong u Medical Superintendent bad ki nongtrei jong kane ka pharmacy na ka bynta ka jingthmu ban pynsuk ïa ka jingpang ba wan shah sumar ha NEIGRIHMS Hospital  da ka jingplie ïa ka Institute Pharmacy.

Ha kane ka sngi la donlang u Medical Superintendent ka NEIGRIHMS u Prof. Suvamoy Chakraborty, u nongpeit ia ka pharmacy store, ki doktor bad ki nongtrei. Kumjuh la pyntip ba ka NEIGRIHMS ka don ruh ïa ka AMRIT Pharmacy bad ka Jan Aushadhi Pharmacy ha ka OPD Block kiba la shakri ïa ki nongpang la bun bun snem.