Ka IIM Shillong ryngkat ka jingiatreilang bad ka Competition Commission of India (CCI), ka la pynlong ia ka Workshop halor ki kam ain ha Umsawli campus hynnin ka sngi Thohdieng 20 tarik Jylliew.Ha ka jingïalang shim bynta da ki riew pawkhmat, ki riew shemphang ha ka liang ka aiñ, ki nongïalam ha ka pule bad ki samla pule ban ïakren halor ka jingpynkylla ka aiñ bad ki jingktah ïa ki kam khaii bad kumno ban iada. Ha kane ka sngi ka Chairperson ka Competition Commission ka Ri India, ka Ravneet Kaur ka long ka kongsan, ha ka jingkren ka la ban jur ka jingpyntreikam ia ka ain ka long kongsan na bynta ka roi ka par katkum ka hok. Ka la ong donkam ban pynsngewthuh ia ki nongialam na bynta ka lawei, khamtam ki samla pule ia ka rukom pyniaid shaphang ki jingktah pyrshah ia ka ain, ban pynthikna ia ka jinglong iaryngkat na ka bynta baroh ki nongiashim bynta ha ka iew ka hat.
Ka la bynrap dang shen la pynkylla ia ka Competition Amendment Act, 2023, kynthup ïa ka jingpynrung ïa ka jingthew ban wanrah ki jingïatylli ba kongsan, khamtam ha ki bynta digital bad ki bynta ba sdang hapoh ka jingpeit bniah jong ki bor pynïaid. Ka Kaur ka la kdew ruh ia ki tiar pyntreikam bathymmai kum ki jingkular ban pynsted ia ki jingpynbeit ha iew bad ban pynduna ia ka por ban mudui. Ka la pynpaw ia ka jingdonkam ban pynbeit ia lade, ka la pynshlur ia ki nongkhaii ban pyntreikam ia ki kor ki bor katkum ka ain. Ka la pynkut ban pynleit jingmut ia ka jingktah kaba nangroi na ka jingstad thymmai ha ki ïew, da kaba kdew ba ka CCI ka dang bishar bniah ïa ka jingïakynduh jong ka AI ha ki jingïakhun, khamtam ha ki jingïatreilang jong ki algorithm bad donkam ban biang ki jingkhein katkum ka AI.Kham shwa la ioh ka jingkren pdiang na ka Prof (Dr.) Nalini Prava Tripathy, Director (I/C), IIM Shillong kaba la pynpaw ia ka bynta ba kongsan jong ka CCI ym tang ban pyniaid hynrei kum ka jaka pule ban iarap kyntiew ia ka ioh ka kot kaba hok.
Ka Prof. Tripathy ka la pynpaw ki samla pule management mynta ki dei ban long ba la pynkhreh ym tang na ka bynta ka jinglong nongialam ba don jingkitkhlieh ha ki iew ki hat ban synshar ia ka jinglong shai, ka jingpynthymmai bad ka hok. Ka pynpaw ka jingsngew nguh ia ka CCI ban iatreilang bad ki jaka pule ban ai mynsiem ia ki samla pule kum ki nongialam ia ka lawei.Ka Workshop ha kane ka sngi ka don ar bynta kaba nyngkong la ai kyrteng, “Competition Act, 2002: Ka jingpeit bniah (ryngkat bad ki jingpynkylla ba dang shen),” la pyniaid da ka Sweta Kakkad, Dkhot ka CCI. Kaba ar pat, “Competition Law Compliance” ka jingbud ryntih ia ka ain la pyniaid da u Dr. K.D. Singh, Director (Law), CCI.Ki jingïalang ki la peit bniah ha ki bynta ba kongsan jong ka aiñ ïakhun kiba ktah ïa ki rukom treikam ki nongkhaii ia ka mynta bad ha ka lawei. Ka jingïalang Q&A ka la ai lad ïa ki nongïashim bynta ban ïakren bad ki riew shemphang, ha kaba ki la pynpaw ka jingsngewtynnad bakhraw bad kaba ïa dei bad ka phang na ka bynta ki samla pule bad ki nonghikai kumjuh. Ka Regional Workshop on Competition Law ka pyni ia ka sienjam ba kongsan ba iadei bad ka polisi ha ka pule puthi, kaba pynroi ia ka jingsngewthuh kham jylliew hapdeng ki nongialam bad ki nongshim bynta na bynta ka pateng ban wan.