Pynlong ka MLCU ïa Book Levelling Workshop ryngkat ka Professor Oxford ka Dr Sonali Nag

Ka Martin Luther Christian University Press (MLCU Press) ryngkat ka jingiatreilang bad ka Academic Office, ka la pynlong ia ka Book Leveling Workshop ha MLCU Campus ha ka 22 tarik mynta u bnai, kaba la pynïaid da ka Dr Sonali Nag kaba dei ka Professor ha University of Oxford and Education Fellow ha Brasenose College. Ha ka workshop la pynithuh ïa ki nongïashim bynta ha ka rukom pynïahap ïa ki kot, ban bishar bniah ïa ki kot jong ki khynnah katkum ki jingtbit ba ki dawa, kum ka jingkynmaw, ka jingsngewthuh, ka jingpyrkhat, bad ka jinglah ban pynïasoh ïa ki kyntien bad ki jingpyni dur. Ka Dr Nag u la batai ba ka jingpynbeit ryntih ka iaid shabar jong ka jingpyniadei ha ka jingsngew, da kaba pynleit jingmut ha ka jaka jong kata ha kaei kaba ka kot ka dawa na u nongpule.

Lyngba ki jingiakren ba iadei, ki nongiashim bynta ki la pyrkhat shaphang ki jingleit pule jong ki bad ki la bishar bniah kumno ki kot khana ki iapher ha ki kynhun rta. Ka Dr Nag ka la pyni kumno ki jingpyni nuksa ki ïalam ïa ka jingpyrkhat jong ki khynnah la ka long sha ki jingjia ba shabar ne sha ki jingsngew ba shapoh jong ki nongïalehkai bad kumno kane ka pynwan dur ïa ka rukom ïathuh biang jong ki khynnah ïa ki khana. Ka la iasam ia ka jingwad bniah kaba pyni ba wat ki khynnah rit ruh ki jubab ia ki jingpyni nuksa jong ki jingsngew bad ki jingpyrkhat, hynrei ki rangbah bunsien ki khein poh ia ka jinglah jingtbit jong ki. Ki jingïalang ki la pynpaw ruh ïa ka bynta jong ka kyntien ha kaba pynbeit ryntih. Ka Dr Nag ka la kdew ba watla ki katto katne ki kyntien ki lah ban paw ba ki long kiba eh, ki khynnah bunsien ki ioh ia ka jingmut lyngba ka jingpynkylla, ka jinglong jingman, bad ki jingiakren kiba kyrshan hapdeng ki rangbah bad ki khynnah ia kaei kaba ki nongwad bniah ki khot “ka jingiakren ba shabar jong ka jingthoh.” Kane ka jingpynkylla dur ka lah wat ban pynkylla ia ka kyrdan jong ka kot, kaba pynlong ia ki jingthoh kiba jylliew ban kham suk ban ioh.

La sdang ïa kane ka prokram da ka jingkren ai khublei na ka Dr Minorita Lyngdoh bad la pynkut pat da ka jingkren ai khublei na ka Dr Ibasaralyne Synthiang. Ki nongïashim bynta ki kynthup ïa ki nongdro dur ïa ki kot khynnah, ki nongthoh kot, ki samla pule na ka North-Eastern Hill University (NEHU), ki nonghikai ka MLCU, ki nongmihkhmat na ka Sauramandala Foundation, bad kiwei kiwei, da kaba pynskhem biang ïa ka jingshimkhia jong ka MLCU ha ka thoh ka tar jong ki khynnah bad ka jingpynmih kot.